ماجدة سيدهم
دي ياسادة  بعض من العناوين الرئيسية الفاضحة  واللي هزت إيطاليا كلها من كام يوم  في مصيبة مخجلة  وجريمة فاجرة  باغتصاب فتاة إيطالية قاصر١٣سنة قام بها في وش العدو  سبعة مصريين ..أيوه مصريين ..

واللي  ىجا إيطاليا كلها وطالب فيها نائب رئيس الوزراء  الإيطالي بضرورة الإخصاء  الكميائي للسبعة المصريين في وش العدو ..ودي بالحق أقل عقوبة ممكن تتنفذ  في حالة انطلاق السعار الجنسي اللي بيهدد أمن وسلامة الناس في الشوارع وفي بلادهم كمان  ..شوفتو فجر  زسفالة أكتر من كدا ..!

وفي عز الأزمات يامؤمن اللي بتمر بيها البلاد يطلع علينا  شوية حثالة معدومين الكرامة هربوا من مرارهم الطافح في مصر على إيطاليا دوغري  وبدل مايلموا نفسهم و يشوفوا أكل عيشهم ويبقوا بني آدمين عندهم نخوة وكرامة راحوا يطبقوا ثقافتهم اللي في دمهم وناقحة عليهم  واغتصبوا بنت صغيرة كانت مع صديقها  في حديقة عامة وجرجروها على مكان المراحيض ..

ومن الانحطاط والسفالة  والهياج ياسادة  أجبروا صديقها يشوفهم وهم بيتناوبوا  على أغتصابها  أدام عينه ..دا ايه الشرف دا كله  ياولاد  ..شرفتوا الناحية كلها ياولاد ..

بقا دا اللي  سيبتوا مصر علشانه وبيعتوا اهاليكم  اللي وراهم واللي قدامهم  وخاطرتوا بحياكم في هجرة غير شرعية علشان تغتصبوا بس ..دا ايه الهدف العظيم دا ياولاد  ؟!

ياتري العالم بيقول علينا إيه دلوقت  والعناوين كلها  بتشاور على سبعة لمؤاخذة مصريين ؟!  بس المهم أوعوا  ياولاد  تكونوا  فوتوا فرض ولا تكونوا عصيتوا ربنا وأكلتوا لحم مش حلال والعياذ بالله  اوعوا كله إلا المعصية ..

طبعا العيال دي من ضمن أجيال تم نسفها تماما  ..عيال عبارة شوية جثث بيحركها سعارها الجنسي بس ..دول نتيجة تربية الدروشة وحرمانية كل شيء إنساني ومهذب ..يعني انعدام الاخلاق تماما ..يعني أي بنت بالنسبة لهم هي فرصة للتحرش والاغتصاب فمابالك  بالأجنبيات وفي بلادهم  كمان .. اللي مقتنعين انهم  سهلين وماشين لمؤاخذة  ومابيقولوش لأ  ..وكمان مش من حقها ترفض أو تعترض ..يعني عيال طالعة جاهزة ومخلصة ..دا إيه الفجر دا ياولاد ..

لأ  بجد شرفتوا نواحي الكفر كله ورفعتوا راس أهل البلد كلها ياولاد ..وخليتوا سمعة البلد زي الفل ..

يبقا لما يكون المطلب في الشارع الإيطالي هو إخصائهم  ماحدش يفتح بؤه ويعترض .ماهو اللي ماترباش في بلده  تربيه البلاد اللي بتحترم شعبها وبتعرف تجيب حقهم   ودا أقل واجب مع الحثالة دول واللي حطوا صورة مصر باستهانة في موقف مهين ..وياريت يتطبق  في مصر علشان نلم حالة الهياج اللي طفح في الشوارع برا وجوه ..

* كام نقطة
* هل تناول إعلامنا هذه الكارثة الفاضحة بحزم  واللي قلبت الشارع الإيطالي كله ووقف على اسباب هذه الجرايم اللي للاسف اعتدنا عليها في بلادنا ..ولا الموضوع بقا عادي وإيطاليا هي اللي كبرت الموضوع ..

* كل العناوين الرئيسية  (سبعة مصريين قاموا باغتصاب ...) يعني فضيحة في مقتل

* بلاش ندفن راسنا في الرمل وناخد القضية في سكة مشاكل  الهجرة الغير شرعية ونرغي فيها  وكأن دي القضية الأساسية ..
 لأ ياحضرة المسؤول المصيبة الكبيرة هي  الجريمة  الاخلاقية الفاضحة اللي تمت برا  وعلمت علينا  جوه  ..

* منذ أعوام  عارضتني بشدة  إعلامية كبيرة  لما طالبت بإخصاء أي مغتصب يدمر حياة أي بنت وكانت حجتها ان  دا يسبب عاهة مستديمة له وضد حقوق الإنسان ..

 وأكرر لها سؤالي تاني خاصة وبعد ماعدينا البحار  ..وهل الاغتصاب لا يسيب عاهة نفسية  مريعة ومستديمة للفتاة عي واسرتها  ومن الصعب بل من المستحيل تخطيها  أو الشفاءمنها إلا بالموت او الإنتحار  أو بمعجزة من السماء  ..فين هنا حقوق الإنسان  في انتهاك جسد  البنات ..
* الإخصاء هو الحل'> الإخصاء هو الحل لردع والقضاء نهائيا على الحثالات..