د. أمير فهمى زخارى المنيا
من الحمل '> خرافات الحمل المشهورة
خرافات الحمل بتبدأ من يوم ما عرفتي انك حامل!
فترة الحمل بترتبط بأساطير وخرافات كثيرة، وهي مجرد صدفة مش أكتر لكن تعليمات وكلمات الدكتور هي الفيصل...
* حركة رجل على رجل
ممكن تخلي الولادة صعبة وأنه يضغط على الجنين ولكن بعد استشارة الدكتور عرفت أنه مفيش أي ضرر أبدا وأن الحامل تقدر تضع رجل على رجل زي ما تحب.
* ما تناميش على بطنك في بعض الأوقات
يكون من الصعب أن ترتاحي في النوم في بعض الأوضاع أثناء الحمل ولكن مفيش أي خطر في النوم على بطنك لن يضغط على البيبي بأي شكل.
* أنتي حامل بتاكلي لفردين
بعض النساء بتعتقد أنها المفروض تاكل خلال الحمل لشخصين طبعاً الكلام ده مش صح
عشان في فترة الحمل بتحتاج المرأة ببساطة التركيز على تناول الطعام الصحي والمغذي المفيد لها في المرحلة دي.
* نوع البيبي بنت ولا ولد
- بيقولوا ان المناخير الكبيرة المدورة يبقى أنتى حامل في ولد أكيد لا مش شكل المناخير هو اللي هتحدد ده.
- حجم البطن كبيره او صغيره
شكل البطن بيحدد بس وضع ابنك جوا الرحم وقريب من الحوض ولا أعلى البطن مش أكتر من كدا وهي أوضاع تختلف مع مراحل الحمل.
- شكل البطن يدل على نوع الجنين:
اذا كانت بطنك منتفخا باتجاه الأسفل فأنتى تحملين بذكر, وان كانت منتفخا نحوالأعلى فأنتى تحملين بأنثى.. ليس هذا صحيحا, لا علاقه للجنس المولود بشكل البطن, فشكل البطن يتعلق بانقباض عضلات البطن والرحم للحامل, بالاضافه الى الوزن الذى تكتسبيه في فتره الحمل.
- بخصوص الاكل بقي
نفسك في حاجات حلو كتير طول فترة الحمل يبقى نوع البيبي بنت لو العكس يبقى ولد
الموضوع ببساطة طريقة جسمك عشان يقول لك ايه اللي محتاجة من مواد غذائية، سواء كان نفسك في حاجة مسكرة أو حادقة، لا علاقة له بنوع البيبى.
* تناول الزبدة او السمنة ممكن يخلي ولادتك سهلة
بعض الناس بتعتقد ان السمن بيخلي عنق الرحم لين لكن في الحقيقة الولادة الطبيعية تعتمد على عوامل كتير زي حجم البيبي، وضعه و شكل الحوض.
* الحركة
تقليل الحركة في فترة الحمل مع ان كل الدكاتره بتنصح الحامل بالمشي والحركة لأنها مفيدة حتى ممارسة الرياضة بس كل ده بعد استشارة الدكتور طبعاً.
* ابعدي عن الاستحمام بالماء الساخن
كثير من الناس بتنصح الحوامل بلاش الاستحمام بماء ساخن لكن ممكن تاخدي حمام فاتر لمدة خمس دقائق مفيش مشكلة، ولكن الحمام الساخن الطويل الاحسن انك تبعدي عنه في الفترة دي.
صرحت الكلية الأمريكية لأطباء النساء والتوليد أن ارتفاع درجة الحرارة في حوض الاستحمام الساخن لا ينصح بها أثناء الحمل
عشان الجلوس في حمام ساخن لفترة طويلة يمكن أن يسبب ارتفاع درجة حرارة الجسم
* لو بتعاني من حموضة في المعدة
يبقى البيبي شعره كثيف لكن علمياً لا علاقة لها بشعر طفلك دي مجرد خرافة شعبية مش أكتر
والحرقة في المعدة هي من أعراض الحمل الشائعة، ويرجع ذلك إلى حمض المعدة
* تناول البرتقال والزعفران أثناء الحمل يجعل بشرة ابنك أكتر بياضاً، ولكن لون بشرة الحنين هي وراثة ومش بيتأثر بأي مواد غذائية.
* لو رفعتي ايديك لفوق الحبل السريأو اتقلبتى وانتى نايمه كتير بيتلف حول الطفل وممكن يخنقه طبعاً ... دي خرافة مضحكة اوي، لأن الحقيقة أثبتتها الأبحاث أن حوالي 25 % من الأجنة يولدون والحبل السري ملفوف حول رقبتهم
وهناك من الأطفال من يولد ملفوفاً الحبل السري حول رجليه والأم ملهاش علاقة اصلاً.
* لو بتنامي كتير في شهور الأولى
فيبقى نوع البيبي بنت وأصلاً الغالب أن الحامل بتنام كتير في حالة الحمل بولد أو بنت بسبب التغيرات الهرمونية.
* لو نفسك في حاجة معينة فترة الحمل و مكلتهاش
ممكن يسبب “وحمة” تظهر على جسم البيبي بشكل الاكل اللي نفسك فيه
“زي لو نفسك فى فراولة و مكلتهاش البيبي بيطلع فيه وحمة على شكل فراولة” ممكن الخرافة دي تحصل مع بعض الحالات لكنها مش حاجة عامة و ملهاش اي اساس علمي
* شكل الأم الحامل يدل على جنس البيبي طبعاً الكلام ده غلط فكل امرأة أثناء الحمل تحدث لها تغيرات فسيولوجية مختلفة عن غيرها من الحوامل.
في النهاية نصيحتي لأي ست حامل اسمعي القصص المسلية والأساطير كنوع من الترفيه مش أكتر، ولكن المعلومة الصحيحة والحقائق الطبية فلازم تسألي عنها دكتورك
ودايماً تبقي عارفة ان الحمل بيختلف من تجربة لأخرى ومن سيدة لأخرى
فيجب الالتزام بنصائح الدكتور الخاص بيكي علي حسب حالتك والمناسب ليكي ولطفلك.
والى اللقاء في مقال جديد من خرافات طبيه...تحياتي.
د. أمير فهمى زخارى المنيا
