طرحت المطربة هلا رشدي، أغنيتها الجديدة "خير وبركة"، على موقع "يوتيوب".
الأغنية جاءت على شكل ديو جمع المطربة هلا رشدي بالفنان الكبير محمد الحلو، وحملت رسالة إنسانية مميزة بين أب وابنته ليلة زفافها تعكس عمق العلاقة بين الأب وابنته.
الأغنية من كلمات الشاعر أيمن بهجت قمر، وألحان محمد يحيى، وتوزيع وسام عبدالمنعم.
وتقول كلمات الأغنية:
آخر حاجه كنت اتخيلها
البيبى اللي كنت شايلها
بإيديا الليلة بوصلها
لدنيا جديدة والله يعينها
والأستاذ ده بقى يهننها
أنت الخير والبركة الحب الأول أنت السند
اللى بحبه ف زعله ف طيبته ولما غضب وعند
صاحب الفضل بجد عليا
واللى أديله عينيا شوية
وأديله أكتر منها
من تاتا تاتا وأنا ماسك إيدها
هى اللى ف حضني بقعدها
رحلة ومرت عمال أعيدها
إيه أصعب من حد ياخدها
واللى مصبرني هيسعدها
