د. أمير فهمي زخارى المنيا
التدبير نصف المعيشه فى أيام الغلاء اللى أحنا فيه... تعالوا معى أقولكم شويه أفكار...
* بواقي العيش الفينو اقطعيه وادهنيه زبده وشويه زعتر ودخليهم الفرن او ادهنيه جبنه بالزعتر وهتبقي اسناكس مع الشاي او النسكافيه.
* بواقي العيش الفينو نشفيه واطحنيه وحطيه علي البقسماط واستخدميه في البانيه.
*لو فضل عندك كيك وخلاص مش هتكلي كده, جددي فيه ضعي عليه ايس كريم او جيلي وصوص شكولاته ومكسرات.
* باقي الفراخ جمعيهم في علبه وفي الفريز واستخدميهم في النجرسكو في البيتز او الشاورمه.
* لو باقى عندك كفتة مشوية احشى بيها بعد تقطيعها بطاطس بيورية صينية وممكن تضيفى عليها فلفل ألوان وطماطم مقطعة.
* لو عندك ارز فاضل ممكن تطحنيه فى الكبة مع جزر مبشور وتتبليه وتحشيه جبنة وتكوريه وتعمليها بالبيض والبقسماط وتقليها.
* لو اتبقي من الغداء حتة فرخة يبقى علطول روحي أعملى وجبة جديدة قطعيها حتت صغيره مع بصله وفلفل ألوان وطماطم وخضره وقلبيهم مع حبه زيت وتوابلك واعملي جنبهم ارز وتبقي شاورما.
* لو عاوزة توفري شوية وانتى بتعملى الكفتة والبرجر والحواوشي ضيفي على الكيلو لحمة كوباية فول صويا هتزود معاكي الكمية وهتديكي طعم مع التوابل.
* عاوزة توفري فى التوابل: هاتى التوابل صحيحة و كل اسبوعين طلعي و حمصي و اطحنى، النكهة هتفضل قوية و هتستخدمي كميات اقل.
* لو ولادك مش بياكلوا الخضار حاولى تحطي الخضار فى اى حاجة بيحبها ، بمعني لو مش بيحب الكوسة ممكن تسلقيها و تحطيها مع الكفتة و شوية بقسماط و مش هياخد باله.
* لو فضل عندك بواقي جبن أو لانشون أو جبنة رومي حطيهم فى برطمان المش هيدوا طعم خرافي للمش او خديهم واعملي شكشوكه بالبيض وتبقي اكله.
بالأمانة المعيشة نصها تدبير في أيام الغلاء اللى احنا فيه.. تحياتي.
د. أمير فهمي زخارى المنيا
