الجبن نباتي الدهن...

اتكلمت فى مقال سابق عن السمن النباتى والمقال اليوم موضوعنا عن الجبن النباتى..

- الحقيقة إن كلمة جبنة هنا هي في غير محلها وقد تكون مضللة..المصطلح الأصح للمنتج ده هو شبيه الجبنة أو بديل الجبنة..

  و ده لإنه عبارة عن منتج يشبه الجبنه في الشكل لكن يختلف عنها في المضمون لإنه ببساطة عبارة عن: 

 ( زيوت نباتيه ولبن مجفف منزوع الدسم مضاف ليهم مواد حافظة ، مواد مثبتة ، مواد إستحلاب زي فوسفات البوتاسيوم و فوسفات الصوديوم على شوية إضافات تانية عشان تدينا القوام و واللون و الطعم النهائي ) .. و بمناسبة الطعم هنلاقي الشركات عاملة البدع في موضوع الطعم ده ..عملالك جبنة بطعم الجبنة الرومي ، الشيدر ،  الزتون ، البسطرمة  وغيرها و غيرها من الأطعم المختلفة.. 

 ✍️ تكلفة تصنيع المنتج ده قليلة عشان كدا هتلاقي سعر المنتج النهائي اللي في السوق رخيص و اللي بيكون مغري لناس كتير.. ده أحياناً كمان في بعض العروض اللي بتتعمل في محلات الأغذية تلاقي سعر كيلو الجبنة (نباتية الدهن)  أقل من سعر كيلو الللبن !!  

اولا  ⬅️  النوع ده من الجبن فقير جدا في القيمة الغذائية..

  ثانيا ⬅️  على المدى الطويل من الإستهلاك

بما انه بيحتوي على نسبة كبيرة من الزيوت النباتية واللي هي دهون مشبعة ممكن تكون سبب في الإصابة بأمراض القلب و الشرايين و الإصابة بالسكر من النوع التاني 

 ثالثا ⬅️  معظم الإضافات الصناعية اللي بيتم إضافتها أثناء مراحل التصنيع مضرة مع الاستهلاك الكتير و المستمر. .

 

  ١- لازم اتأكد أن العبوة مكتوب عليها جبن طبيعي ١٠٠% .. و على الرغم إنه أغلى شويه بس هو الأحسن صحيا..

  ٢- أبعد عن أي عبوة مكتوب عليها جبن نباتي أو محضر غذائي مهما كان نوع الجبنة ( موزاريلا، شيدر ، مثلثات ، كاسات ، فيتا) و اقراء بيانات المكونات عشان أتأكد. 

  ٣- أخلي بالي إن كتير من الماركات الشهيرة في السوق بتنتج نوعين من الجبن ( الجبن اللي بيحتوي على الدهون الطبيعية و الجبن نباتي الدهن) عشان كدا لازم أركز شوية و انا بشتري الجبنة و معتمدش فقط على إسم الشركة..

 🔹 ️أتجنب شراء سلطات الجبنة الجاهزة بما إني مش هقدر اعرف مصدرها أو مكوناتها..

🔹 ️أقلل من إستهلاكي للبيتزا والمعجنات الجاهزة اللي بتحتوي على الجبنة بقدر الإمكان..

 🔹 ولكل الأمهات العزيزات 🙋‍♀️ .. 

أولادنا في مراحل النمو المختلفة بيبقو محتاجين لجميع العناصر الغذائية وللأكل الطبيعي السليم الآمن صحيا.. 

عشان كدا خلي بالك واهتمي بقرآءة البيانات على أي منتج غذائي قبل ما تشترية..

صحتك فى غذائك... تحياتى 

- د.يسرا الإسلامبولي.

-  الدكتور سالى محمود الفقى، طبيبة بيطرية.

- الدكتورة غادة نصر، أستاذ الصحة العامة بكلية الطب قصر العيني.

- الدكتور عاطف دنيا، أستاذ طب الأطفال وحديثي الولادة بجامعة الأزهر.