د. أمير فهمي زخارى
* ليه الإسكندرانية بيقولوا جني مش جنيه؟
* وليه الإسكندرنية هم السبب فى كتابة "قرش صاغ " على العملة المصرية فى أوائل إصداراتها؟
تعالوا معى نعرف على الإجابة في المقال النهاردة...
*أولا: ليه الإسكندرانية بيقولوا جني مش جنيه.
ايام محمد علي باشا تم استقبال وفود كبيره من الأجانب وقرروا الاستقرار في مصر والعمل بالتجارة وغيرها من الوظائف والاغلب كانوا بيحبوا يقيموا في الإسكندرية في الوقت ده...
بريطانيا كانت بتتعامل بعملتين الأولى اسمها جني guinae والتانيه باوند pound وكانت البوند أقل استخدام وقتها.
الإنجليز سموها جني نسبه إلى خليج غينيا وتحديدا كانوا البريطانيين بيسرقوا الدهب من غانا وده كان اسم العملة البريطانية لأن كان بيشحن الذهب من هناك فبعد احتلال الإنجليز لمصر سنه 1882 مش عايزين يتعاملوا لا بالريال ولا الباره العملة العثمانية وصمموا انهم يتعاملوا بالجنى. وكانت العملة الشبه رسميه في الإسكندرية.
ولما صدر الجنيه المصرى1836 وكان من الذهب أو الفضة كان بيساوي نفس قيمه الجني والبواند ففضل أهل الإسكندرية ثابتين على موقفهم وفضلوا ينطقوه زي ما هو جني مش جنيه....
* ثانيا: كمان الإسكندرنية هم السبب فى كتابة "قرش صاغ " على العملة المصرية فى أوائل إصداراتها هتقولي ليه؟
أقولك ليه: الجنيه عبارة عن 100قرش والإسكندرية بيقولوا 100قرش صاغ كلمتين مع بعض واتحولت بعد كده فى العامية الدارجة الاسكندراني إلي "ارساغ" اللي اتحولت لـ"ساغ" بعد كده ومفهوم القرش عند الإسكندرانية لما كانوا بيقولوا قرش يعنى بالنسبة لهم نص قرش اللي هيه (التعريفة) يعني مش القرش كامل..
بمفهوم المحافظات التانية يعني 10 قروش عند الاسكندرية تساوي 5 قروش لو قالوا 10ساغ أو صاغ يعني 10قروش
يعني القرش هو "صاغ" ومنعا للاتباس قررت الحكومة انهم يكتبوا قرش صاغ أو ساغ علي العملة وكتبت علي النص جني والربع جنيه 50 أو 20 قرش صاغ مش 50 أو 25 قرش بس عشان الإسكندرانية.
والى اللقاء في حكاية جديده. تحياتي.
