و(ما تطلعش ميتين ابونا..)
د.أمير فهمى زخاري المنيا
سمعت واحد بيقول البضاعة دى بالميت خالص بتساوى كده..
وسمعت واحد بيقول طلع ميتينى فى عمل الشغل ده ..
قلت ايه حكايه النهارده فى استخدام كلمه الميت ..
تعالوا نعرف الحكايه من البدايه...
في السودان و قبل قيام الثورة المهدية كان العرف المتبع عند أغلب الأسر السودانية أن يتم دفن كبير العيلة داخل المنزل...
فإذا أراد شخص بيع المنزل (عشان إتزنق في قرشين) فهو امام خيارين:
١ - يا إما يقوم بإستخراج الميت ودي عملية مكلفة جداً - لازم يجيب شيخ وطقوس وهلم جرا- وفي هذه الحاله يمكن عَرْض البيت بسعر مجزي جداً.... ٢- والخيار التانى.. لو ماعندهوش مقدره فيعرض المنزل للبيع (بالميت) وكده ح يكون سعره أقل بكثير....
و بالرغم من إختفاء عادة دفن الموتي داخل المنازل ظل مصطلح (بالميت) يعبر عن الحد الأدني لسعر بضاعة معينه... يعني لو واحد عارض عربية للبيع يقول ليك العربية دي (بالميت) كده بتجيب كذا كذا...
و بعد قيام الثورة المهدية قرر الخليفة عبد الله التعايشي إلغاء عادة دفن الموتي داخل المنازل لمخالفتها لتعاليم الدين الإسلامي...
وقرر إنه (يطلع ميتين) البلد أم درمان ويدفنهم في مقابر خاصة بالمسلمين...
ومراعاة منه لكبار شيوخ الصوفية قام بتحويل بعض منازلهم لمقابر عشان لا يلجأ (يطلع ميتينهم) هم ...
وظهرت في أم درمان مقابر الشيخ حمد النيل وأحمد شرفي والبكري... وتم تعميم التجربة وطلّع الأنصار ميتين مدينه الخرطوم وبحري ثم عمموا التجربة و (طلعوا ميتين) السودان كله...
وكانت عملية دفن الموتي داخل المنازل عرف متبع في كل السودان, فإستنكر السودانيين في البدء إنه كيف (يطلعوا ميتينهم)...
و ظل المصطلح حتي الآن يُستخدم للتعبير عن سلوك غير مقبول.
يعني الواحد يقول ليك الجماعة دول (طلعوا ميتينا) او طلع ميتينى فى عمل الشئ الفلانى او اطلع ميتين "وانت كمل الشتيمه" ,
يعني أجبرونا نعمل حاجة مش عايزنها...
وإلى اللقاء فى عبارات بنقولها ومش عارفين أصولها...
د.أمير فهمى زخاري المنيا
---------------------------------
المصادر:
. على أبواب المحروسة"حسن مجدى"
. الموجز "ياسر بركات"
