كتب - محرر الاقباط متحدون
قالت الإعلامية نانسي مجدي :" التقيت خلال الفترة الماضية نساء ورجال يعانون الم نفسي وشعور داخلي بعدم الراحة بسبب تجربة الرفض.
مضيفة خلال تقديم برنامج "انا وبيتي" المُذاع عبر قناة (مي سات) القبطية الارثوذكسية :" مشاعر الرفض من المشاعر السيئة، وتعرف الإنسان عندما يرفضه الطرف الآخر سواء رجل او إمرأة .
لافتة :" بالمجتمع المصري تعاني النساء اكثر من الرجال من مشاعر الرفض.
موضحة :" لان من تأخر زواجها تتعرض لضغوط رهيبة جدا من قبل الاهل والجيران والمجتمع.
كما لفتت :" يعرفها الخوف ومشاعر متضاربة ما بين احساسها ان حلم البيت والاسرة سينتهي وما بين الاحساس ببشاعة نظرات الشفقة من كل المحيطين بها .
مضيفة :" وما بين شبح الوحدة، ويثير داخلها هذا الخوف المجتمع .
مضيفة :" وما بين الكثير من الاحلام المؤجلة، وهي غير قادرة على تحقيقها كونها لم تتزوج.
موضحة :" في وقت ما توافق مضطرة على اي شخص يتقدم لخطبتها ، حتى لو هذا الشخص لا يناسبها ولا بوجد توافق بينهما .
وتابعت :" ستقول وقتها انها وافقت على الزواج حتى يتوقف الناس عن الكلام وكي لا تشعر بالخوف من المستقبل ومن الحياة السوداء الصعبة في حال لم تتزوج ، وان في هذا الشخص الفرصة الاخيرة لها .
لافتة :" والزيجات اللي تتم دون توافق بين الطرفين لا تعرف النجاح، بالعكس تستفحل هموم الفتاة وهي هموم لن تستطيع التخلص منها.
وتابعت :" الأسوأ بقى ان البنت فعلا تكون كبرت في السن ومحطوطة تحت ضغوط الاهل والمجتمع وتتعرض لمشاعر الرفض بمعنى انها هي اللي تترفض ساعتها هي بتحس بأسوأ مشاعر على الاطلاق.
موضحة :" لانها حست ان كل الابواب اتقفلت في وشها وكمان هي اللي بتترفض.
موضحة :" قابلت اكتر من بنت بيعانوا مشاعر الرفض لدرجة قالولي : هو ربنا ليه مش بيحبنا وبعيد عننا ومش حاسس ليه بوقت الضعف والحيرة اللي إحنا عايشين فيه ؟!.
وعلقت :" لو نفكر في الامور بوجة نظر مختلفة وانا عارفة ان مشاعر الرفض دي بشعة، بس لو فكرنا من منظور آخر هو مفيش ابدا حاجة تقلل من كرامتك او تقلل من شأنك وشخصيتك.
وتابعت :" حد قعد معاكي واكتشف انك مش مناسبة ليه او انت مش لايقة على شخصيته دا لا يقلل من كرامتك على الاطلاق.
لافتة :" انت ليكي الحق انك تقعدي مع شخص اتقدملك وتشوفي هو مناسب ليك ولا لاه وممكن تقولي انا مش عاوزاه او انا مش مرتاحة ليه.
مضيفة :" حطي نفسك في نفس الوضع وشوفي ان هو شاف انك مش مناسبة ليه .
وتابعت :" وده لا يقلل ابدا من كرامتك او من كبريائك ، مش معنى اني اترفضت اني وحشة اطلاقا ممكن اكون فيا كل الصفات الحلوة بس مش مناسبة للشخص ده.
