د.امير فهمي زخاري المنيا
١ - السرياقوسي :
و بتكون عباره عن 3 معالق سكر لكل معلقه بن
معظم الي بيشربوها بيكونو لسه جداد علي شُرب القهوة و أكتر ناس مفضلين ليها النساء .. والمرحله دي مبتدأ شرب القهوة و بينقل علي الي بعدها 😌
٢ - الزياده :
القهوة الزيادة بتكون معلقتين سكر لكل معلقه بن
(دي تاني مرحله لشرب القهوة اللذيذه غير إن طعم السكر الزيادة فيها بيكسر طعم البن المُر إلي إنت كمبتدئ لسه متعودتش عليه.
٣ - المانو :
ظبطتها بتكون ( 1.5 سكر : 1 بن ) لما توصل لمرحله المانو يبقي مفضلكش كتير علي مرحله عشقها و في المرحله دي في ناس بتكون زهقت من الزياده او عاوزه تقلل السكر في القهوة بالتدريج .
٤ - المضبوط :
لو عاوز تستمتع بمزاج القهوة العالي يبقى المظبوط
جايه من إسمها مظبوطه بالضبط ( 1 سكر : 1 بن ) قهوة متكافئه في كل حاجة فيفتي فيفتي و إنت كدة شخصيتك عادله ومتوازنه .. عشان كده عشاق القهوة المظبوطه شخص برنس في نفسه لأقصي مرحله 😎
٥ - ع الريحه :
( 5, سكر : 1 بن ) نصف ملعقة سكر : ملعقة بن كده إنت فاضلك خطوه واحدة علي ليفل المزاج و بدأت تفهم يعني إيه شُرب قهوة صح
فيه قاعده عامه ؛ كلما قلت نسبه السكر بالنسبه للبن ، زادت درجه عشقك وبرنسستك ومزاجك ..
٦ - الساده :
مرحله المزاجيه والعشاق للقهوه خلاص إنت كده برنس ... إنت كده عاشق للقهوة ومزاجك عال العال ومفضل النوع ده علي أي حاجة .. مع آخر رشفه من فنجانك السادة بتحس ب إستمتاع و مزاج عاااااالي .. كدة بنرحب بيك في عالم العشق القهوجي 🤗
كمان خلي البن المستعمل : ( وسط )
لا هو بن فاتح ، ولا غامق ، ولا هو محروق ...
خليه / بن وسط
يا تري إنت قهوتك أي نوع فيهم ؟ 🤔
د.امير فهمي زخاري المنيا
