د. أمير فهمي زخارى المنيا
زمان.. زمان كانوا اجدادنا لما يلاقوا شخص مبذر عمال يصرف فلوسه في كل حته من غير تفكير كانوا بيقولوا اااااه ((ما هو اللي معاه قرش محيره يجيب حمام ويطيره)) ....
حكاية المثل ده بدأت من عادة كان بيمارسها الاغنياء كنوع من انواع البر.. لما كانوا بيحرصوا انهم يشتروا العصافير المحبوسة من سوق الدجاجين ويطلقوا سراحها.. اعتقادا منهم ان من أطلق عصفور دخل الجنة ....
راحوا العامة من الناس أطلقوا مثل كنوع من التهكم على العادة دي فقالوا ((اللي معاه قرش محيره يجيب حمام ويطيره)) ...
وبرغم ان العادة دي اختفت مع الزمان إلا ان المثل فضل موجود علشان يعبر عن المبذر اللي بيضيع فلوسه في اي شيء من دون تفكير...
والى اللقاء في مثل جديد وأصله... تحياتي.
د. أمير فهمي زخارى المنيا
