هانى رومسيس
زمان كنت ابقى مشغول بعيد النيروز جدا وحابب كل حاجه فيه وأفضل اكل بلح وجوافه فى البيت وفى الكنيسة 
واكل كل ما يشحتنا الناس كيس وهما بيفرقوا 
واخد من الخدمات وهى بتوزع الزيادة على الخدام والناس 
كان كل شيىء ممتع جدا 
وكنت استنى قداس الخدمة علشان اعرف هخدم فين
 ونادرا ما كنت اهتم انا رايح فين ويا ما فشلت فى خدمات لأنها متناسبنيش ولا لى فيها لكن كنت بقول حاضر واروح اخدم فيها 
والخدمة اللى كنت احبها وأشعر انى (مستريح)فيها مطولش فيها واتنقل لمكان تانى 
..وكنت استنى قداس الخدمة علشان بصراحه بيعملوا معانا واجب ..بيدينا كل واحد سندتشين(اهو بينفعوا)بعد القداس
وطبعا انا كان بيقى ضميرى مستريح لما ارجع والف اخد تانى وثالث ...وحلال حلال 
..الدنيا بسيطة وطعمها جميل والناس حلوه وبسيطة 
..بتعجب من المشاكل اللى بسمعها فى أماكن الناس بتتخانق والا بتزعل بسبب توزيعات الخدمة
..انا شخصيا مؤمن انى بروح الخدمة علشان انبسط 
اه اتبسط ...
واى خادم لما يؤمن بالنظرية ده .هيقدر يسعد أولاده فى الخدمة 
كل سنة وحضراتكم طيبين