د. أمير فهمي زخارى المنيا
حديث بين زوج وزوجته
جوزى بيسألنى مره وبيقوللى إنتى إزاى بتعمللى كده؟؟؟
قولتله بعمل ايه؟؟؟
قالي بتزعللى وتتنرفزى جامد .... وترجعي تهدى مره واحده...

بتضربى الاولاد وترجعي تبوسي ... مكان الضربة وتصالحيهم فى نفس الوقت...
تبقى مش طايقهم واول ما واحد فيهم يتخبط ... تجرى عليه ويتغير شكلك فى لحظه...

تكونى نايمه فى سابع نومه وانا عامل هيصه ... جامده وما تصحيش واول ما حد منهم بس
يعيط واكون مش سامعه تتنطرى تروحيله وكأنك ما كونتيش نايمه...

تفضللى تشتكي وتقوللى تعبانة ومش قادره واول ما يبعدوا شويه عنك او يروحوا عند جدتهم تفضللى تزنى عايزهم يرجعوا واول ما يرجعوا ويبتدوا يعملوا شقاوة ترجعي تزعقي وتتنرفزى...
أكيد إنتى مش طبعيه اكيد مجنونه!!!

قولتله: بالعكس انا طبيعية جداا""
انا بس السوفت وير بتاعى مظبوط عليهم وعلى نظامهم
افرح لفرحهم ,,,اتعب لتعبهم ,,,اصحى على صوتهم لو عيطوا
اقلق لو بعدو عنى ,,,ازعق واشخط خوف عليهم لا يتأذوا

اكون زى ما بيقولوا ,,,ادعى على ابنى واكره الى يقول أمين
ومن جوايا بقول يارب ما تسمع منى
انا طبيعيه ,,,انا الفطرة الى فطرني عليها ربنا ,,,,انا ببساطه ماما ...

وختاما: مفهوم الأمومة
أولًا: المعنى اللغوي:
الأمومة مشتقة من الأم، وأم كل شيء: أصله وعماده، وأم كل شيء معظمه، والأم الوالدة، والأم: خادم القوم، الذي يقدم لهم طعامهم وخدمتهم، وتطلق على الجدة، ويقال حواء أم البشر.

ثانيًا: المعنى الاصطلاحي:
الأمومة من أعظم الهبات التي خص الله بها المرأة، وقد عرف العلماء الأمومة بأنها: «نظام تعلو فيه مكانة الأم على مكانة الأب في الحكم، ويرجع فيه إلى الأم في النسب أو الوراثة».

تحياتي لجميع الأمهات وياريت كل الأزواج يفهموا معنى الأمومة... تحياتي لكل أم.
د. أمير فهمي زخارى المنيا