بقلم جورج حبيب
يا اللي سهران وعمال تقاسي
عمال تفكر وبالافكار موش ناسي
وتقول مشاكلي كلها فوق راسي
جربت مره تسيبها لالهك
مهو حنين وداري بحالك
ولما النار تعلي وتعلي
تلاقيه منزل ندي والنار تفني
بس انت ارفع قلبك ونادي
وقوله يا ساكن في الاعالي
سايبني ازاي تعبان
وانا ابنك دا انا غلبان
دا الشيطان عمال يلاعبني
وفكر ورا فكر عايز يغلبني
ودا حالي وانت عارفه
ومن غيرك داري بي وحاسه
انا بيك يا رب متحامي
ولي ضهر ولي محامي
وسامعك بتقوللي اطمن
ولا تخاف ولا تتغلين
انا معاك طول الطريق
ولو في الميه انت غريق
انسي وانسي همومك
وافرح وافرح دا انا بعولك
وانا امته يا حبيبي سبتك
ولو بعدت ما كتير رجعتك
ولو متكلمتش برده سامعك
