كتب - محرر الاقباط متحدون
غيب الموت عن عالمنا ماريا أمير، إحدى محاربات السرطان، عن عمر 27 عاما، بعد صراع طويل مع المرض .
ومنذ سنوات شعرت ماريا بآلالام بسيطة في المعدة،
حتى اكتشفت اصابتها بسرطان اللسان، لتبدأ مرحلة العلاج الكيماوي في العشرينات من عمرها.
وكانت أجرت ماريا مؤخرا عملية جراحية، حيث لم تفقد الامل في الشفاء.
كما كانت تجهز لحفل زفافها مع خطيبها، صموئيل، الذي لم يتركها وظل رفيقها طوال رحلة المرض ، وأُقيمت صلاة الجناز على روحها الطاهرة، صباح الاثنين، من كنيسة السيدة العذراء مريم بالزيتون، حسبما ذكر موقع (القاهرة ٢٤) .
وخيم الحزن على رواد مواقع التواصل الاجتماعي لوفاة ماريا ، فتصدر اسمها تريند فيس بوك، بعد أيام من الدعاء لها من قبل مستخدميه، آملين في تعافيها.
خصص أصدقاؤها والمقربون لها، أوقاتا محددة للصلاة وللدعاء من أجلها منذ الإعلان عن مرضها، وحتى وفاتها المنية.
ونعاها بيبو ماهر وكتب :
انا واثق انك هاتفضلي موجوده معانا بروحك و بقلبك
انتي العشره اللي مستحيل تتنسي
انتي الصاحبه اللي ب ١٠٠ راجل وقت الجد
عمري ما هنساكي
انتي بطلة في زمن ميستحقش انك تكوني فيه
سلام يا اجمل و اجدع صاحبة في حياتي.
وكتبت صديقة لها :" عمري ما أنسى فرحة ماريا أول يوم خدمة ليها في مدارس الأحد، وشقاوتها الجميلة اللي دايما كانت تلفت انتباهي بروحها الحلوة، يا شهيدة وعروسة المسيح وقديستنا الجميلة أنا عارفة ومتأكدة دلوقتي قد إيه انك فرحانة نفس فرحتك دي لأن قلبك كان نقي وبسيط.
مضيفة :" متأكدين انك اقرب جدا لأى حد دلوقتى يطلبك مبروك انك خلاص عديتى كل صعب، وانك دلوقتي فعلا مبسوطة بجد، استريحت من التعب مفيش وجع تاني.
كما اضافت :" احنا صلينا علشانك كتير بس ربنا طلع بيحبك أكتر مننا كلنا يا غالية، متنسيش تصليلنا اننا نتمثل بقوة إيمانك وتحملك وشكرك وضحكتك الحلوة حتى وانتي في أشد تعبك طول عمرك بتحبي كل الناس وبتخدمي الكل.. صليلنا يا أحلى وأجمل مرمورة.
ومن بين رسائل التعزية والنعي : مع المسيح ذلك أفضل، هتوحشيني يا حبيبتي مكنتش فاكرة اليوم ده ممكن ييجي بس عارفة رحمتك يا رب انك خلتها كده ترتاح من اللي هي كانت فيه كنتي دايما تقوليلى وحشتيني هاتي ماما وبابا وبولا وتعالي، طب طالما احنا وحشينك روحتي ليه، ربنا يصبرنا على فراقك وبقيتى ليا شفيعه في السماء بحبك أوي.
كما نعاها صديق آخر وكتب :" قلبي وجعني عليكي اوي، لكن هو ربنا بينقي القلوب النقية وياخدهم عنده.. مبروك عليكي السما يا عروسة المسيح
مضيفا :" استحملتي تعب وآلام كتير ومشيتي في ليلة عيد صعود جسد العدرا كأنك بتودعينا بفرح وبتقولي ماتزعلوش انا هكون في السما فرحانة ومرتاحة من كل تعب، ربنا يعزينا ويصبرنا على فراقك.
-فى احضان القديسين يا ماريا ياعروسة المسيح ربنا يعزينا ويعزى اسرتك وحبايبك
ميس ماريا امير من خادمات كنيسة العذراء بالزيتون .صلاة الجنازة النهاردة الساعة ١ظ فى الكنيسة والعزاء مساء بقاعة الكنيسة.
مينا ملاك : لم يكن موتاً بل إكليلاً، ما حدث لم يكن النهاية، بل بداية لحياة أكثر عظمة وبهاء و مجد ...
فليتمجد إسم الرب دائماً
#المسيح_قام الروح القدس يعزيكم يا Maivel Amir.
ميرنا : طوبي لمن اختارته وقبلته ليسكن في ديارك الي الأبد ، نودع علي رجاء القيامه اختي الغالية ماريا امير ، وتقام صلاه الجناز في تمام الساعه ١٢:٣٠ في كنيسه العذراء مريم بالزيتون
والقاعه في نفس الكنيسه الساعه ٦.
مرمر عادل :" مزمور القداس النهاردة : بملابس مطرزة تحضر إلى الملك ..في إثرها عذارى صاحباتها
مقدمات إليك يحضرن بفرح وابتهاج
يدخلن إلى قصر الملك
مزامير 45 : 14 - 15
ماريا سافرت السما
ربنا يعزى أهلها وكل حبايبها
-في ليلة عيد حبيتها العذراء ..
وداعًا الخادمة الجميلة ( ماريا أمير ) خادمة كنيسة العدرا الزيتون
ماريا كان عندها كانسر .. وكانت دايما تشجع اللي حواليها
استحملت الآلام بإبتهاح وفرح ورضا
ومن كذا يوم عملت عملية خطيرة
لكن للأسف دخلت في غيبوبة وراحت السما النهاردة
ربنا يعزى كُل قلب مجروح عليكى
-اذكرينا يا ماريا أمام عرش النعمة
ربنا يصبر ويعزى مامتك وخطيبك صمويل وكل اللي بيحبك يا حبيبتى.
-انتقلت الى الامجاد السماويه
زهرة من بستان عذراء الزيتون
الخادمة الأمينة ماريا أمير
قدمت حياتها كرائحة بخور جميلة
ربنا يعزي أسرتك وأحبائك ويعزينا جميعا
اذكرينا امام عرش النعمة
ستقام صلاة الجنازة الساعة 1 ظهرا
بكنيسة السيدة العذراء بالزيتون
والعزاء 6م بقاعة العزاء بمبنى الخدمات
وتقدم اخوة مسلمين بالعزاء ، وكتب حسان محمود : الله يرحمها ويسكنها الفردوس الأعلى يارب.
منى عبد الرحمن : ربنا يرحمها ويغفر لها ويسكنها فسيح جناته.
فاطيمة : الله يرحمها ويغفر لها ويسكنها فسيح جناته اللهم امين يارب العالمين.
عبده مصطفى : اللهم اغفر لها وارحمها.
