د.أمير فهمى زخارى
- فصوص الحبهان اكسريها قبل ما تضيفيها للاكل.
- ذره بيكينج بودر على الملوخيه والباميه وهى بتستوى واى خضار بتخليها تحتفظ بلونها الاخضر.
- معلقه صغيره سكر على الصلصه هتعادل الحموضه وتخليها احلى.
- نضفى الكرشه والممبار بالسفن اب والبيكربوناتو وملح الليمون فى دقيقه.
- قبل ما تقورى البتنجان ادعكى ايدك بليمونه علشان متسودش.
- قبل ما تقشرى الكوسه ادهنى ايدك زيت علشان الصمغ هيبهدل ايدك.
- بعد ما تخلصى خلطه المحشى وقبل الحشو ضيفى عليها معلقتين زيت
هتخليه يلمع ويبقى جميل وبدل ما تضيفى شطه حمرا قطعى فلفل حامى وحطيه بين المحشى.
- لما تيجى تعملى لحوم ضيفى عليها نص معلقه صغيره سكر بتخليها تستوى كويس وطعمها احلى.
- ضيفى على الرز دايما ميه مغليه مش بارده علشان ميعجنش.
- الخضار المجمد حركى الكيس ورجيه لو كان كتله واحده يبقى ده اتفك واتجمد تانى.
- علشان تقطعى صدر الفرخه بانيه بسهوله حطيه ساعه فى الفريزر الاول.
