د. أمير فهمي زخارى المنيا
شخصية الراجل وطباعه تختلف عن شخصية وطباع الست عموماً، وتبقى غلطانة لو اعتقدت إن طباعه لازم تكون زي طباعها.... للأسف مشاكل كتيره بتحصل بينهم نتيجة الاختلافات دي.... تصرفات بتحصل من جوزها ومش لاقيه ليها تفسير منطقي.
نتكلم الاول عن فن الكلام بين الزوجين...
١- اختيار الوقت الصحيح الكلام:
كونى حريصة على التحلى بفن اختيار الأوقات، مما يعنى اختيارك لأوقات مناسبة يمكنك أن تتحدثي مع زوجك خلالها، فحديثك معه بعد عودته مباشرة من العمل، أو أثناء لحظات انفعاله أو غضبه من شيء ما، هى بالطبع أوقات غير مناسبة، سوف يختلق خلالها المزيد من المشاكل والصراعات، وسوف تكتشفين في النهاية أن حديثك معه بلا جدوى، لذا احرصي دائماً على اختيار الأوقات الرومانسية الهادئة التي يمكنك خلالها السيطرة عليه.
٢- التركيز على الجانب الإيجابي:
احرصي دائماً على إظهار الجزء المشرق من النقاش، فأشعري شريك حياتك بمدى إيجابية تلك الخطوة في حياتكما إذا اكتملت، من دون أن تشعريه بأنه من دونها سوف يجد مشكلة ما، حتى لا تضعي شريكك في خانة العند معك.
٣- لا تتحدثي عن أمور الحياة في البداية:
تتنظر الزوجة عودة زوجها من عمله على الفور حتى تشتكي له مما عانت منه طيلة اليوم. انتظري حين يهدأ ويُغير ثيابه ويتناول طعامه ويرتاح قليلاً. حضري له مشروبه المفضل وأخبريه أنكِ تريدين التحدث معه في موضوعات هامة، فإن كان يستطيع سيجلس ويستمع إليكِ وإن كان مرهقًا فسيطلب منكِ التأجيل لحين استعداده. حاولي التصرف إن إستطعتِ لتتجنبي المزيد من المشكلات داخل المنزل. انتظري بعض الوقت فبعد أن يرتاح من ضغوط العمل ويهدأ سيسرع إليكِ وحده ليتحدث معكِ ثم ابدئي وقتها بالتحدث عن مشاكلكِ اليومية. تحدثي معه عن الإهتمامات المشتركة بينكما ولكن تجنبي التحدث عن الأزياء والموضة وعن صديقاتكِ، فغالباً جميع الرجال يشعرون بالملل خاصة لو كان هذا المجال خارج اهتماماتهم.
نيجى بقه نتكلم عن رغى الزوجة وطبيعة الرجل...
دايماً الراجل ما بيتكلمش كتير زي الست، لأنه من طبيعته ميحبش يتكلم كتير، وعلشان معندهوش حاجة يقولها. فالست ما تبطلشي كلام على الفاضي والمليان، إلا لو هي حزينة أو غضبانه أو جالها إحباط من شيء معين، ولما يتغير الوضع معاها بترجع ترغي ويمكن أكتر من الأول. وسكوته ده بيخليها تتعذب وتتضايق منه لإنها فاكره إنه ممكن يرغي زيها وهو قاصد ما يرغيش معاها وبيتجنبها، وربما تفتكر إنه بيكرهها كمان.
كمان هي متوقعه بأنها لو بطلت كلام خالص هيسألها مالك يا حبيبتي، فيه إيه حصل، ولكنه هو في وادي وهي في وادي تاني. هنا تبدأ بمطاردته بالأسئلة وليه ما سألتنيش ساكته ليه. وتفضل جراه في الكلام علشان ينطق وهو بيعتبرها بتحقق معاه ويفضل محتار، ليه هي بتعمل كده وبتحاول إنها تستفذني، وهو مش عارف يرد عليها، وربما فاكرها بتستفذه علشان تتخانق معاه وتتفش فيه من شيء ما ربما تافه ومضايقها.
وعليكى يا حوا لو عاوزاه يفتح بقه ويتكلم معاكي فبلاش الأسئلة الكتيره اللي تحيره وتنرفزه. ولكن اختاري في الأول موضوع هو بيحبه وبيستمتع بالكلام فيه وبطريقه لطيفه وهتلاقيه يجاوبك، وشويه بشويه تقوليله متضايقه من إيه وهو هيحاول يريحك ويساعدك.
نكمل الجزء التانى المرة الجايه وفيه إيه اللى بيحصل لما الزوجين يخرجوا مع بعض للتسوق... تحياتي
د. أمير فهمي زخارى المنيا
-----------------------------------------------------------------------------------------
المصدر:
- د. مجدي إسكندر { طباع وأسرار الرجالة ... هدية قيمه ليكي يا حوا }
- الدكتور مدحت عبد الهادي، خبير العلاقات الزوجية.
