نادر شفيق اسعد
صباحكم علمي جدا..ومصري جدا ..أيها الاصدقاء الأعزاء
ندخل علي التقيل ..علي فكرة البحث ده ممكن اعمله محاضرة وابقي واد محاضر كده ..لكن انتم تستحقون بجد
ندخل علي التقيل بقي ..

في منطقة الدير البحري غرب مدينة الاقصر في صعيد مصر
توجد اجمل المقابر الملكية..منهم مقبرة تعرف لدي المجتمع الاثري العلمي بمقبرة رقم  K V 9
أو مقبرة ( رمسيس السادس ) ..والتي يقال ان من بدا في حفر هذه المقبرة هو رمسيس الخامس ..وفيه بيقول الرابع
ماعلينا..

يوجد نص في مقبرة رمسيس السادس في كتاب الليل والنهار
{ ان نوت ( اله السماء ) تبتلع ..قرص الشمس..في الليل لتعبر خلال جسدها في الليل ..لكي تعود فتلدها في الصباح ..  }
..وهو نص يحتمل تفسيرات ومعاني كثيرة ..لكن اؤجل هذا
..لكن ما يهمني اكثر ..وما كنت اذاكره..وعطلني عنه الواد فرغلي بتاع سكينة النور ..فعملت قنديل نور بعلبة تونة ..
لكي اكمل ..موضوع العوالم المتعددة..أو المتوازية

وبدأت في كتابة قصة قصيرة..اعطيتكم ملخص لها ..في بوست سابق ..
طبعا انتم تستغربون انني أطول في الكلام ..هما المحاضرين بيعملوا كده....بدرب نفسي علي هذا ..استحملوني بقي هههه
ماعلينا

الصورة اللي في أسفل هذا البوست ..
..نادرة وغريبة وعجيبة ..مدهشة فعلا ؟!!
لأنها بتصور قصة خلق العالم...( بالمصري القديم )
 والقصة التقليدية المرسومة في أماكن كثيرة بتقول رسمتها
ان ..(نوت ) اله السماء ..تزوجت...الف مبروووك يا نوت
..  تزوجت من ( جب ) اله الأرض..من اسمه السيارة الجيب
ولكن  ( شو ) اله الهواء فصل بينهما
..وانا بقول ان ( شو ) ده له صفات اخري كثيرة غير اله الهواء
ممكن نقول بطريقة الفيزياء الكمية ..( انه المادة المظلمة )
التي تنتشر في الكون وتملا الفراغ بين المجرات وبين الاجرام السماوية..
برضه ماعلينا يا شو ..

.  .وبالتالي بيكون فيه في صور الخلق المعتادة
صورة نوت واحدة ..فقط لاغير
وصورة جب بتكون في صورة رجل مذكر نايم علي ظهرة ولكنه عادل وجهه علي جنب ..كانه مكسوف ..يعني قال هههه
....لكن ايه الصورة دي اللي في مقبرة رمسيس السادس..
فيها السماء ( متعددة ) ..بدل نوت ..فيها اثنين
احداهما تحتوي وتحيط بالآخري ..كأنها خرجت منها
وهما في حالة ( توازي ) ..عوالم متوازية دي ولا ايه ..
  متعددة دايما..

اما عمنا ( جب ) ..علي غير عادته..مش نايم علي  ظهره..
انما ..في حالة ( تكور ) تكاد رأسه تلمس قدميه..
وقولنا قبل كده يا مستمعين..ان جب ده هو ( الأرض )
كده يبقى جدودنا قدماء المصريين..عرفوا ( كروية الأرض )
  لكن اللي مش فاهمه ..
ليه الاله ( جب ) علي غير عادته برضه ..
.بقي في صورة انثي هنا .. في صورة امرأة
ده مش موضوعنا ومالناش دعوةةبالحكاية دي
السؤال كده اللي انا سألته..
.اعتقد كده برضه انا اللي جاوبت عليه برضه

مش كده ولا ايه
نادر شفيق اسعد