كتب - محرر الاقباط متحدون
كشف ماهر فرغلي، خبير شؤون الجماعات الإرهابية المصدر الرئيسي وراء تمويل هذه الجماعات .
وقال فرغلي خلال حلوله ضيفا على برنامج (التاسعة) المذاع عبر القناة الاولى المصرية ويقدمه الإعلامي يوسف الحسيني :" هناك اجهزة استخبارات تستهدف مصر وتمارس الضغط عليها وتشويه سمعتها .
موضحا بخصوص إعلام جماعة الإخوان :" ٥ او ٦ قنوات شغالين على طول يوميا وانتاج متواصل شركات اخرى صغيرة بتعمل لخدمة هذه القنوات.
لافتا :" هذه الاموال الضخمة ليست لشخص بل هناك دول تضخ هذه الاموال .
موضحا :" الجماعة لا تستطيع الانفاق على هذه القنوات.
كما اوضح :" كانت في اوراق كانت نازلة وهما اللي فضحوا بعض في مرة على احد المواقع اللي هما كانوا اطلقوا عليها سرداب عبد الرحمن ابو دية او سرداب المجموعة التانية الموجودة في لندن.
وتابع :" السرداب ده حطوا فيه شوية اوراق عن احدى القنوات بيقول ان هما بيتم تمويلهم من عبد الرحمن ابو دية
وواصل :" مين الراجل ده ياجماعة شخصية محدش شاف صورتها حتى هذه اللحظة ، عشان تعمل سيرش عليه مش هتلاقي صورة ليه خالص نهائي وزوجته من المغرب.
موضحا :" ابو دية عاش في جنوب افريقيا واسس قناة الحوار وبعد كدة قناة مكملين.
وتابع :" ابو عامر وابنه لما كان يدخل على اي قناة كل الاعلاميين الإخوان يقفوا انتباه ، الكلام ده هما اللي قالوه في فيديوهات موجودة على اليوتيوب .
لافتا :" نحن نتحدث عن شخصية غامضة لم يراها احد ، وهذا واحد من ١٠ شخصيات ، السؤال من هؤلاء من يقف خلفهم .
كما اوضح :" عبد الرحمن ابو دية اصله فلسطيني وحصل على الجنسية البريطانية، من يمده بتلك الملايين وما هذا الرعب الذي يسببه.
مشيرا :"نحن امام دول واجهزة تقوم بتمويل هؤلاء الناس ، وكلهم عارفين ده بالمناسبة وكل عامل عارف ان هو ممول من اجهزة وعارف ان هو بياخد تمويل وان فلوسه دي حرام .
لافتا :" فضحوا بعض الايام اللي فاتت في واحد اسمه حسام الغمري لما سابهم بعد ما اختلف معاهم وراح جنوب افريقيا عمل فيديوهات.
وتابع :" هذه الفيديوهات تتضمن تجربته في الفترة اللي قعد فيها في اسطنبول مع الإخوان.
وواصل :" كان من ضمن الحاجات اللي قالها على الفنان السابق محمد شومان اتكلم عن انه لما اصيب بمرض شديد وكان لوحده عايش في شقة بتاعته مش لاقي حد يعالجه.
موضحا :" الطبيب التركي قالهم انتوا مجرمين سايبين الراجل ده ازاي كدة.
وتابع :" فهو راح للاخوان قالهم ده عاوز مبلغ قالوله ده مش إخوان مش هنقدر نعالجه ده مش مننا مع ان المبلغ تافه بالنسبة للاموال اللي بتيجي للاخوان، عملوا كدة معاه بعد ما خلوه باع البلد.
