د. أمير فهمى زخارى
نبتدى عندنا الأول: العباره تعتبر شتيمه..
وهل تعلم أن الشتمة الشهيرة للفنانة الكبيرةميمى شكيب , واللى بتقول فيها ( يا دون - يا دون الدون ), دي مش شتيمة اعتباطية فى لحظة غضبها .
لأ دي أصناف القطن المصري اللى كانت سائدة فى العصر الملكي , وكانت متداولة فى بورصة اسكندرية العالمية .
صنف عال .. صنف وسط .. صنف دون .. صنف دون الدون .
فهمتوا معنى كلمه دون يعنى جوده أقل (واطيه) ودون الدون بمعنى جوده رديئه ...
نيجى بقى فى الخارج:
لا تعتبر شتيمه ليه؟
أنا أقولك...
علشان الدون (لقب شرفي)... بمعنى..
الدون (بالإسبانية: Don) (بالبرتغالية: Dom)، (بالإيطالية: Don) (بالإنجليزية: Don)، (بالفرنسية: Le Don)؛ هو لقب فخري إسباني وبرتغالي وإيطالي وفلبيني يُمنح للشخص كعلامة على الاحترام. وللأنثى يُقال دونا (Donna).
الدون كلمة تعني القائد أو السيد وهو اسم أكثره يطلق على نبلاء اسبانيا...
عارفين زى عباره "يا ابن الأيه" وكنا فاكرينها عباره جميله ولكن فى الحقيقه طلعت شتيمه لأن "الأيه" كلمه بالمصرى القديم بمعنى البهيمه او البقره ...
وطبعا كلمه "باشا" كلنا بنقولها ازيك يا باشا... صباح الخير يا باشا... الباشا وصل... الخ..
ومعنى كلمه " باشا" هو " الشخص القريب من حذاء السلطان".. تخيلوا الواحد يقول مثلا صباح الخير يا !!!!
اذن كلمة "باشا" مسبة وإهانة .. هل ستطلقون هذا اللقب على من تريدون تعظيمه بعد الان ؟
ثقافه اللغه جميله...المهم تعرف معناها الأول... تحياتى
