محرر الأقباط متحدون
طالبت الإعلامية مفيدة شيحة، المسئولين وخاصة وزير الصحة ومن يهمه الأمر بسرعة التحرك ومساعدة الفنان إيمان البحر درويش.
وقالت مفيدة شيحة خلال برنامج "الستات مايعرفوش يكدبوا": "الناس اتخضت ومش ده الشكل اللي احنا متعودين نشوف فيه إيمان البحر درويش وأعتقد ناس كتيرة زعلت من بنته إنها نشرت الصورة دي عشان حتى لو هتبقى ذكرى فتبقى ذكرى وهو بشبابه وصحته وشياكته وجماله".
وأضافت: "اللي احنا عرفناه إن الفنان إيمان البحر درويش بيعاني من جلطة في المخ وغيبوية كاملة .. فأنا هعتبر ده عذر إن بنته نزلت الصورة دي عشان تطلب مساعدة أو تطلب دعاء أو تطلب أي حاجة نلحق بيها والدها لسبب ما أكيد هي بنت وخايفة على أبوها".
