كتب - محرر الاقباط متحدون
قالت الكاتبة الصحفية سحر الجعارة :" طبيب أمراض النساء والتوليد الذي يستثار من ( عضمة جنب القدم ) لا يجب أن يطلع علي عورات النساء.. الأستاذ اللي اعصابة تتعب ويرتعش من شعر المرأة ( وخلافة) ليس من حقه ان يجري الامتحانات لطالبات طب !! .
مضيفة عبر حسابها الرسمي على فيسبوك :" لما الهرمونات تتحكم في حياة المرضي و مستقبل الطالبات .. والطبيب يطول دقنه ويتدروش يبقي يقعد في بيتهم ، رئيس قسم النساءوالتوليد مستشفى الشاطبي الجامعي بالاسكندرية، كتب بوست يجب ان يحقق فيه رئيس الجامعة ووزير التعليم العالي و وزير الصحة .
وجاء بنص منشور رئيس قسم النساء والتوليد مستشفى الشاطبي الجامعي بالاسكندرية :" اربطوا الطرح يابنات بالدبابيس وما تمشوش ورا الموضه اللي طالعه دي بالله عليكم..منطقة أسفل الذقن بأول الرقبة وشحمتي الأذن والله من ضمن العورة اللي تجب تغطيتها زي الشعر والذراعين خدو بالكم ولا تتبعوا خطوات الشيطان.
مضيفا :" حبة الشعر الي ظاهرين من الطرحه من فوق دخليهم.. انت معتبراهم حاجه تافهه بس صدقيني هتتسألي عنهم.. البنات اللي بتلبس شرابات قصيرة اللي هي يدوب بتغطي الكعبين (العضمتين البارزتين على جانبي القدم) خلو بالكم محتاجين بنطلونات تحت العبايات مش كفاية الجيبه لان مع الحركة الساقين بينكشفوا فالبسوا بنطلونات او طولوا الشرابات بالله عليكم .
كما اضاف :" الكم القصير وجزء من دراعك باين ده مش من الحجاب في شيء كل دي مناطق محتاجه تستخبي ... خساره تضيعي الجنه من ايدك عشان خاطر موضه .. الجنه تستاهل اللهم استرنا بجميل سترك #وذكر #رسائل_الثبات.
