محرر الأقباط متحدون
كشف نبيل النقيب المحامي، عن تعرضه لهجوم بسبب دفاعه عن الطالب أبانوب عماد.
وقال النقيب عبر حسابه الرسمي علي موقع التواصل الاجتماعي فيس بوك: "لسه بقول بدأنا اليوم لقيت اشعار إن حد عايز يراسلني المهم لقيته تاعب نفسه المسكين وشتمني باحط الالفاظ ليه وليه اقول في الفيديو إن الشاب المسيحي من حقه يرد على شتيمة الشاب المسلم وتحقيره لدينه ومعتقده".
وتابع: "دي انا شايفها رساله مهمه جدا إن جيل الشباب المسيحي غير الاجيال الماضية ولو تمت المساواة في الحقوق بين الطرفين هتنتهي المشكلة طيب وازاي المساواة دي تحصل دي مستحيلة لا طبعا ببساطة تترفع المواد الدينية من الدستور وكل حد يعبد براحته بس في الجامع والكنيسة".
وأكمل: "إنما مادامت الاديان سواء الإسلامي او المسيحي محشورين في القوانين لن تنتهي المشكلة فإذا مصممين علي استمرار الوضع ده تتلغي مادة ازدراء الأديان دي إنما بقاء المادة دي هو اساس المشاكل ومحدش احسن من حد ؟ المجتمع اوصلتوه لمرحلة لم يصل إليها ابدا علي مدار تاريخه ؟ انا لو مسؤول احاكم شيخ الأزهر والمفتي ووزير الاوقاف ووزير الثقافة ووزيرة التضامن الاجتماعي بتهمة تجهيل المصريين وتدميرهم نفسيا واجتماعيا قبل اقتصاديا".
