كتبت :رضوى النبراوي
صباح مبارك و محبة مع سابع شخصية من شخصيات نستها السطور 🤗
اسطورة الصناعة المصرية 💪
اسطورة الصناعة في مصر اللي جعل شراء السيارات في متناول جميع العائلات المصرية بأسعار رخيصة 👏👌
مش بس كدا دة قام بتصنيع سيارة محلية الصنع بأيادي مصرية أصبحت الأكثر شعبيا و مبيعاً في البلاد كلها ( عربية ١٢٨)💪🤗
مهندس عادل اسماعيل جزارين تخرج من هندسة جامعة اسكندرية قسم ميكانيكا و كان الأول عالدفعة سافر بعدها لألمانيا للحصول على الدكتوراه في ميكانيكا السيارات رجع بعدها و حلمه الأكبر تصنيع سيارة مصرية خالصة و تحمس للفكرة الرئيس جمال عبدالناصر و ساعده في انشاء اول و اكبر مصنع إنتاج سيارات مصري ( شركة النصر لصناعة السيارات) عام ١٩٥٦
مشاكل كتير مادية واجهت الشركة بسبب ظروف البلاد وقتها في الستينات و لحل تلك المشكلة المادية مهندس عادل فكر انه ينتج وسائل مواصلات و بيعها للدول العربية بالعملة الأجنبية و فعلا نجحت الفكرة جدا و المصنع اللي مبني على ١١٤ فدان اشتغل و انتج مواتير سيارات و السيارة نصر ١٢٨ سيارة البيوت المصرية 🤗💪
اهتم جدا مهندس عادل بالفنيين اللي بيشتغلوا في المصنع لدرجة أنشئ لهم عمارات في أقرب مكان للمصنع و هي حاليا منطقة ( وادي حوف) في حلوان و اهتم بالتامين الصحي ليهم و لعائلتهم و قدم لهم كل وسائل الراحة ، الموظفين اشتغلوا بقلبهم في المصنع و جدية و حزم لحد ما أصبحت شركة النصر من أكبر الشركات في الوطن العربي في إنتاج السيارات 👏🤗 و نافست اكبر شركات السيارات عالميا 👏
مرت الايام و شركة النصر بانتاجها من السيارات اساس من أساسيات البيوت المصرية
لحد ما ظهر نظام الخصخصة في تسعينات القرن الماضي و للأسف تمت خصخصة شركة النصر و منذ تلك اللحظة انتهى المصنع و تم خروج نسبة كبيرة من العاملين فيه لنظام المعاش المبكر و أصبح مهجورا
عالرغم من كدا هيفضل انجاز مهندس عادل جزارين موجود إلى وقتنا الحالي في وجود السيارة ١٢٨ في الشوارع المصرية بايادي مصرية و اسعار في متناول الجميع 👏👏👏
رضوى النبراوي
