د.أمير فهمى زخاري المنيا
ده كان رد معظم الناس علي لما نقولهم حاولوا تخسوا شويه...
اجمعوا انهم دايما مش بيقدروا يسيطروا علي نفسهم في اكل الحلو....

انا هااقولكم الحل فى أربع نقاط...
- طيب اول حاجه محتاجين ناخد بالنا ان اكل السكريات الصناعيه او المعجنات هيدخلك في دايره مغلقه من الجوع والاكل المستمر فمحتاج تكون واعي وانت بتاكل الاكل ده...

وتسأل نفسك هل انا باكل وانا مش حاسس بالاكل بسبب اني نفسيا متضايق او زهقان فبالتالي بتلجأ للاكل كهروب من مشكله عندك ؟؟

- تاني حاجه
اخبار شرب المياه ايه علي مدار اليوم؟؟
الجسم مش بيقدر يفرق انت عطشان ولا جعان. فأول ميجيلك الشعور بانك هتاكل جامد كده... اشرب كوبايتين مياه الاول.
- ثالثا لو بتشرب كافيين (شاى - قهوه - كاكاو- مياه غازيه بنى زى الكوكاكولا والبيبسى) كتير حاول تقلله لان ده بيزود من احتياجك للسكريات.

- رابعا وده الخلاصه
حاول دايما تشبع رغبتك في اكل الحاجه الحلوه بأكل السكريات الطبيعيه(الفواكه) ومع الوقت شراهتك للسكر هتقل تماما.
ممكن تشبع رغبتك في السكريات بأكل الخضار النشوي زي البطاطا، القرع، الجزر والفاكهه بانواعها🍠🍉
او انك تعمل حاجات حلوه صحيه...

ابسطهم الشوكلاته لو دايما نفسك فيها.
كاكاو خام+ زيت جوز هند و حليها بالعسل وممن نزود بندق مطحون.
😋😋😋 حاجه كده مزاج. او ممكن تأكل قليل من الشكولاته الخام ...

و بكده انت اشبعت رغبتك في الاكل و افدت جسمك و مازدتش في الوزن👌
الأكل الصحي مش حرمان.
الأكل الصحي حياه... تحياتى للجميع.
د.أمير فهمى زخاري المنيا