بقلم جورج حبيب
صباح الفل يا غاليين
علي الحب والمحبة متجمعين
وورده وفله لكم اجمعين
سواء كنتم فرادي ام مجتمعين
و نهاركم في يومه هيكون سعيد
وافراح القيامة ممتدة من العيد
و ربنا يخلي امانيكم حقيقة
ويفتح باب لكل ضيقة
واحلامكم تتحقق وتبقي سعيدة
دا شمس البر حواليكم
وبيبارك كل خطاويكم
ودايما يا احبه فرحانين
طايرين باجنحة ومحلقين
وعيونكم للسما مرفوعين
وايديكم بالصلاة منورين
اوعوا حد يكون زعلان
من فلان ولا حتي علان
انسوا زي ما ربنا بينسي
وبيغفر للجميع ولا بيحصي
النهارده يا احبه يوم جميل
بالقيامة افرحوا ومفيش بديل
املوا قلوبكم بالتفاؤل
املوا مشاعركم رقة
وفيضوا علي الكل محبة
بصوا للسما الصافية
ربنا يديكم كل عافية
ربنا يديكم كتير وكتير
اوعوا تقولوا احنا تعبانين
لمسة ايده كلها حنيه
لمسة تخلي القلوب متهنيه
افرحوا وافرحوا علي طول
ربنا زايل عنكم كل الهموم
كل يوم يا حبايب ودايما طيبين
يا احبه يا اولاد يسوع المحبين
