كتب - محرر الاقباط متحدون
علقت نهاد أبو القمصان رئيس المركز المصري لحقوق المرأة، على نهاية مسلسل تحت الوصاية، حيث شهدت الحلقة الاخيرة الحكم على حنان بالسجن ، ويتناول المسلسل معاناة الارامل بسبب القانون الذي لا يأتمن المرأة على اموال الاطفال.
وكتبت ابو القمصان عبر حسابها على فيسبوك :"الام اتسجنت ليه ؟ ، الام اللى نجحت فى ادارة اموال ولادها وعملت مطعم اتسجنت بتهمة السرقة لانها اخدت اموال القصر بدون موافقة من النيابة الحسبية والعم كان ممكن تنازل عن البلاغ بس محدش بيطمع وفجأة يطلع ملاك ويتنازل.
مضيفة بخصوص مصير الاطفال بعد سجن الام :" مين هيصرف على العيال ؟ قانونا الانفاق مسئولية عمهم لانه الوصى وحتى لو مش وصى لانه قرابة من جهة ( العصب ) ولان العم فاشل فى ادارة حياته اصلا ومش عارف يصرف على نفسه ويتجوز فغالبا مش هيعرف يصرف على الولاد طيب يروحو لخالتهم ؟ خالتهم مش بتشتغل وجوز خالتهم مش ملزم يصرف عليهم او ربما معندوش امكانية يصرف فغالبا الاولاد هيتحطو فى دار رعاية ممكن البعض يشوف دا صعب قوى او خيال مؤلف لكن فى الواقع وفى المحاكم حكايات صعبة اصعب من كدا كمان .
لافتة :" لما بنحكى للمؤلفين عن اللى بيشوفو فى الواقع بيتصدمو لان قوانينا من ايام اهل الكهف مسلسل تحت الوصاية حطنا قدام مراية قانون من ضمن قوانين كثيرة قوى اقل ما يقال عليها ( سيئة )
Mona Zaki
#حكايات_نهاد
#نهاد_ابوالقمصان
#قانون_الولاية_على_المال
#تحت_الوصايا
#مني_ذكي
