تصدرت النجمة زينة، قوائم تريند مواقع التواصل، عقب حديثها عن علاقتها بوالد أولادها مع النجم أحمد عز، خلال ظهورها مساء أمس الإثنين، في برنامج " حبر سري"، الذي تقدمه الإعلامية أسما إبراهيم، ويعرض عبر قناة "القاهرة والناس".
زينة، خلال ظهورها في البرنامج الحلقة، تحدثت عن حقيقة معاناتها من عقدة ، بسبب فشل زواجها، ومدى تأثير تجربتها مع النجم أحمد عز، على عدم تكرار تجربة الزواج.
وقالت زينة:" أنا لا كارهه الزواج، ولا الرجالة ولا اتعقدت خالص، المشكلة بسيطة جدًا، على أرض الواقع، مش فاضيه وعندي أولاد ومتعلقة بيبهم، ومعنديش الرفاهية الخروج والحب، ومعنديش أي حاجة اديها لبني آدم".
وتابعت:" بمعنى إني وقتي كله لأولادي وشغلي، علشان أولادي يرضوا، معنديش وقت أديه لحد، ولو عندي، أنا أولى به أديه لنفسي، أني أقف على رجلي وأشتغل، وأحارب في دنيا كلها حروب ومؤامرات".
وعن الرجل الذي يسكن قلبها بعد تجارب الخطوبة والزواج، أجابت ،:" في الظروف اللي أنا بها، وعندي أولاد هيبقوا رجالة، ما يبنفعش، و ابوهم موجود ، اطلع أقول إني أحب واحد تاني غير أبوهم، مش هيسامحوني، أنا علشان أولادي مستعدة أعمل، وأقول أي حاجة بس هما يأمروا".
زينة وجهت خلال الحلقة رسالة غاضبة، وقالت،:"الناس اللي وقفوا مع أبو ولادي أحمد عز ضدي، أقول لهم، انتو مين بجد؟!، وبس خلاص أنتو وهو وهي محدش ليه دعوة بينا، إحنا حرين، ناكل بعض، هنتصالح، نقطَّع بعض، بينا ولاد ملكوش دعوة، محدش ليه دعوة".
النجمة زينة، تقدم شخصية "عايدة"، رابع زوجات " جعفر العمدة"، في المسلسل الذي يعرض عبر قناة dmc، منذ بداية من شهر رمضان 2023، وتصدر قوائم الأعلى مشاهدة.
