كتب - محرر الاقباط متحدون
من تداعيات انتشار الفكر السلفي الكارثية على المجتمع المصري انه جعل الكثيرين يناهضون الفنون، ونقول تداعيات كارثية كون الفن له دور ايجابي كبير في حياة الإنسان وفي تقدم الدول وتعزيز الاخوة الانسانية والتصدي للتطرف .
و اعلن الفنان تامر حسني، توقفه عن نشر فيديوهات أغاني، احتراما لشهر رمضان، ونشر حسني فيديو، لشخص موهوب في الغناء عبر حسابه على موقع انستجرام، وكتب : يا شباب في الشهر ده معلش مش هنزل أغاني، وده آخر فيديو وصنلي بنزله دلوقتي.
مضيفا :" حقيقي ماشاء الله عليك بجد، أحسنت صوت وإحساس، وشخصية في الغناء جميلة، وقبول جميل ربنا يوفقك ياحبيبي، والله لمست قلبي بإحساسك وباختيارك للأغنية تحديدا.
لافتا : إن شاء الله في العيد هرجع أنزل كل فيديوهات حبايبنا الموهوبين بزيادة رمضان كريم على الجميع.
وجاءت ردود الفعل على اعلان تامر حسني التوقف عن نشر الاغاني في رمضان بين مؤيد ومعارض،كما ولاقت ترحيب واسع من السلفيين ورأى البعض ان تامر بذلك يواصل مغازلة التيار المتشدد الذي يرى في الاغاني حرام .
وكتب حساب باسم شريف زايد :" المطرب السلفي!
وابدى حساب اندهاشه : ع أساس ف الايام العادية حلال طيب.
وعلق مصطفى احمد :" ربنا يكرمك يافنان ويرضى عليك عقبال ما تمتنع للابد ويرحمنا من مُحنك أمين.
ورحب حساب : فى انتظار توبتك لله يابطل
ورأت ميرا :" كل المؤشرات بتشير ان تامر هيعلن اعتزاله الغناء قريبا.. من اول الاستوريز الدينيه الي بينزلها ع البيدج بتاعته لغايه موقفه يوم فرح احمد صاحبه لما نزل م العربيه وفتح بنفسه العربيه للشيخ مصطفي حسني وثالثا لما كان ناشر فيديو ليه هو وولاده وواخدهم معاه يصلو الجمعه البنات لابسين إسدال والولد جلابيه بيضا.. احنا ف انتظار الخبر ده .
حيث تامر صديق قريب للداعية مصطفى حسني ، وكان شكر مصطفى حسني لغناء تتر برنامجه الديني الجديد ، ونشر صورة برفقته عبر حسابه الاليكتروني وكتب :" من لم يشكر الناس لم يشكر الله، وأنا حابب أشكرك يا تامر يا صاحبي على أغنية تتر برنامج الثمن، صوتك العذب وأدائك الصادق نعمة كبيرة عليك من ربنا، واللي أثّر فيّ ياصاحبي الغالي تواضعك واهتمامك وإقبالك على التعاون عشان نقدم محتوى فيه قيمة مضافة للعقول والقلوب والأرواح، تِسلم وتعيش ياصديقي.
ليرد تامر عليه :" يا مصطفى يا حبيبي، أخدمك بعنيا، أنا وصوتي تحت أمرك في أي وقت، أنا اللي بشكرك من كل قلبي عشان سمحتلي أكون جزء بسيط من الخير والعلم اللي بتعلمه للناس ولكل ولادنا، ربنا يقدرك ويستخدمك دائمًا في توحيد الناس بمختلف أفكارهم، وكل يوم تكون سبب في هداية ناس كتير.
كما علق اخرون
-يارب بعد الشهر دا يبطل خالص
-ياسلام ع التقوي !
-هو ربنا ف رمضان بس وباقي الايام لأ
-لما الاغاني حرام بتغني ليه !.
-طب واللي اتنشر ف السنين اللي فاتت وعلي تليفونات ناس وف كل حته ده اي ذنوبه توقفت مع رمضان
-شئ طيب انه مقتنع ان الغناء محرم وبالتالي إمتناعه عن نشر الغناء في رمضان... فيه شئ من الحكمة لعل الله يهديه ويبطل غناء.
-ادعو له ربما تكون اول الخطوات مين يعرف ربنا يهدى ويتوب.
-طب مانت عارف وشغال بيها وبتاكل منها عيش فى رمضان ولابتاكل من عند حد تانى.
-قلبك عامر بالإيمان ههههه
-امال فين سبحتك يا عمي بيومي
-هو الواحد حاسس ان تامر حسنى ناقصله تكه ويرجع إلى طريق الصلاح بأذن الله ربنا يهدينا ويهدي جميع المسلمين جميعا بحق هذه الأيام المباركة.
-مع إني مش بحب الممثلين بس موقف حلو نشجعه عليه اللي يعمل حسنة نشجعه واللي يعمل سيئة ننكر فعله وننصحه نكون عونا لاخونا المسلم.
-هو فعلاً الاغاني في رمضان حرام اما باقي السنه عادي! وتلاقيه عامل كم اعلان بيغني فيه !
-هو مش الفن مكانش حرام من يومين؟!
-حاجه كويسه بس فيه ملحوظه رب رمضان هو رب بقيت الشهور اقسم بالله.
-سبحان الله اعتراف صريح ان الاغاني حرام.
-ليه يا تمورة هو انت بتغنى منكر !.
-رمضان كريم يا تامر تصرف يحترم منك لان شهر رمضان يجب احترامه و اجلاله و تقديره.
-طب ما تعتزل طالما اكتشفت انها حرام وتريحنا من اغانيك وافلامك الهابطه.
-وده سر استبعاده من حفلات الرياض في شهر شعبان.. مش تجارة ولا حاجة خالص انه قلبه عامر بالايمان.. عاوز تزود معجبين اعمل درويش.. هي ناقصه.
وكان استنكر الهضبة عمرو دياب، دعوات تحريم الغناء، خلال لقائه الاعلامي عماد الدين أديب منتصف التسعينيات، وقال :" مش بعرف أعمل حاجة غير إني أغني وضميري راضي، انا مبعملش حاجات غلط كتير إذا قدرت، والحمد لله يعني.
لافتا :" وإذا الغنا حرام يبقى يمنعوه، وانا بغني وضميري مستريح ، دا امتاع الناس قيمة عالية جدا ، محدش متخيل قد ايه جمالها وانا بحس في عيون الناس إنهم مبسوطين ومستمتعين.
وتابع :" وانا نشوتي في موهبتي واسعد شيء في حياتي وانا مع الموسيقيين بشتغل وبغني للناس ودي نعمة من عند ربنا بصراحة .
