كتب: محرر أقباط متحدون
بعد صدور قرار المحكمة بعدم الاختصاص في قضية الطفل شنودة، نزل هذا الخبر كالصاعقة على المصريين جميعا مسلمين ومسيحيين ، وتداول رواد السوشيال ميديا الخبر معبرين عن حزنهم.
قالت الكاتبة والروائية عفاف السعيد "
الف خسارة يابلد واقفة بين طفل وامه
الحكم بعدم اختصاص المحكمة بقضية الطفل شنودة(9 برمهات 6264).
احمد عرفات" تم الحكم بعدم اختصاص المحكمة في "قضية الطفل شنودة". يعني بعد كل الأخبار اللي سمعناها دي وحرب الأعصاب. الطفل شنودة هيفضل محبوس في دار الرعاية وبعيد عن أهله والحقيقة معنديش تعليق ومصدوم على الخبر بكل تفاصيله !
ربنا معاك يا حبيبي.
مينا هانى" بالنسبة لمصرنا الحبيبة ان يظل الطفل لقيطا فى ملجأ فاسد افضل من ان تحتضنه أسرة مسيحية ليس لها أبن..
المحكمة حكمت اليوم بعدم الاختصاص وبقاء الطفل شنودة فى الملجأ.
امال مين من اختصاصه اجراء العدل فى البلد والمساواة بين المواطنين وضمان المستقبل؟
" حرب هى حياة الإنسان على الأرض"
جهاد محمد" من شوية المحكمة حكمت بعدم اختصاصها ف قضية الطفل شنودة !!
انا قلبي وجعني حقيقي.. الست الطيبة اللي ربت الولد ف حضنها سنين ودموعها وتعبها ومحبتها دي كلها راحت علي الارض عشان ناس رمت ابنها ف الشارع ومسألتش فيه !!
لحد امتي مصر هتفضل توجعنا وتخلينا نلعن اليوم اللي اتولدنا فيه مصريين !!.
