انطلقت منذ قليل حفل ذكريات الموسيقار هاني شنودة في المملكة العربية السعودية، بحضور المطربة أنغام التي تقدم الحفل.
وأعربت الفنانة أنغام عن سعادتها بتقديم حفل ذكريات الموسيقار هاني شنودة، إذ علقت: من زمان ومصر بتقدم فنانين شكلوا وجدان الشعب العربي بفنها، والفنانين بيبقوا عاملين زي الذهب كل ما تقدم وكل ما الزمن يطول بتزيد غلاوتها وحلاوتها، النهاردة هنستمتع بصاحب الجيل، بنلاقي الموسيقى بتاعته جوانا، وأنا شخصيا مبسوطة إني معاكم وبنحتفل بالموسيقار الكبير اللي أثر فيا أنا شخصيًا الموسيقار هاني شنودة.
وتنظم المملكة العربية السعودية حفلًا تكرّم فيه الموسيقار هاني شنودة عن مجمل أعماله الموسيقية والفنية، وحرص العديد من الفنانين على حضور هذا الحفل، وكان أبرزهم: إلهام شاهين، ليلى علوي، السيناريت مدحت العدل، الفنان حسن الرداد، ابن الموسيقار محمد عبد الوهاب، المطربة أنغام، وغيرهم.
إذ علقت الفنانة ليلى علوي على تكريم الموسيقار هاني شنودة، قائلة: ذكرياتي غالية جدًا وكتير أوي مع هاني شنودة، من أول ما بدأنا نسمع موسيقى وكمان مشاركته في الأعمال السينمائية، هو عمل موسيقى تصويرية عظيمة ومشواره غني ومن الحاجات اللي معجبة بيها وبقوله ألف مبروك وكانت مفاجأة تكريم هاني شنودة محدش فكر فيها وأنا بشكر صاحب الفكرة وكلنا جايين علشان هاني شنودة.
وأردفت ليلى علوي: هاني إنسان معطاء وكلنا اتعلمنا منه وفي الأزمات تلاقيه واقف وراضي ودي نعمة اتعلمناها منه، السينما معروف عنها إنها الفن السابع، ومنقدرش نستغنى عن الموسيقى في صناعة الفيلم بتقوي شغل المخرج وأداء الممثل وإحساسه بتوصل كلام ميتقالش بيتحس من خلال الموسيقى، هاني شنودة عمل أكتر من 150 فيلم وطلع فنانين وملحنين كتير جدًا حتى لو حصل نوع من التباطؤ في العمل الفترة اللي فاتت، ولكنه يستحق التكريم، وده دليل على إن كلنا بنحبه.
