كتب - محرر الاقباط متحدون
تواصل الاعلامية ياسمين عز، تقديم نصائح للسيدات المتزوجات، يعتبرها الكثيريين غريبة وتثير الجدل، وتدعو لعبودية النساء ، وهي نصائح بخصوص التعامل مع أزواجهن.
وقالت عز خلال تقديم برنامج "كلام الناس" المُذاع عبر فضائية (ام بي سي مصر ) :" لو انتم قاعدين مع بعض في البيت بتتسامروا مع بعض وبتتكلموا ، ماينفعش فجأة تقومي تقفي كدة في نص كلامه وتمشي بدون استئذان تروحي الحمام، الحمام مش أهم منه يا مدام.
وتابعت :" ممكن بلطف تستنيه لما يخلص كلامه، ويقوم هو الأول وبعدين تقومي وراه، أو لو انت مستعجلة تقولي له بلطف من غير ما تقطعي كلامه حبيبي هروح أعمل حاجة وجاية ، أو هروح أغسل إيدي عشان حاسة إنها محتاجة تتعطر شوية.
واثارت تصريحاتها غضب وسخرية رواد التواصل الذين راوا فيها ترويج لعبودية النساء ، وكتب حساب باسم منى :" لا ممكن تعمل حمام في الرملة عادى وتحط الليتر بوكس في اى مكان في الصالة او في الأوضة بردوا علشان الفرعون الكبير الصغير مينفعش يتساب لوحده يا مدام وهو متعصب علشان تدخل الحمام .
وكتبت سالي :" حاضر الست مننا هتقضي حاجتها على نفسها أحسن مش هنروح الحمام .
