كتب - محرر الاقباط متحدون
تواصل الاعلامية ياسمين عز، تقديم نصائح للسيدات المتزوجات، يعتبرها الكثيريين غريبة وتثير الجدل، وهي نصائح بخصوص التعامل مع أزواجهن.
وقالت عز خلال تقديم برنامج "كلام الناس" المُذاع عبر فضائية (ام بي سي مصر ) :" لو انت قاعدة جنب جوزك (فرعونك) ماتتنفسيش وهو بيتنفس، عيب يا مدام تتنفسي وجوزك بيتنفس في نفس الوقت، ننظم النفس والحركة مع بعض، شهيق زفير.
وتابعت :" مش معنى كلامي انك تكتمي نفسك وتموتي مكتومة، بعد الشر عليكي وعلى اللي حواليكي .
موضحة :" قصدي لما يكون متعصب ومتنرفز وصوت نفسه عالي من العصبية وبينهج، ماتتنفسيش انت بقى وتنفخي بصوت عالي جنبه، لأن ده هيزود شحنة السلبية والنكد والكهرباء بينكم وهتقوم خناقة.
واثارت تصريحاتها غضب رواد تواصل ، وكتب احدهم : اكتر واحده اشتغلت على نفسها في موضوع الترند وبتتكلم في حاجات عارفه ان نساء مصر تما هينتقدها ورجاله هتقول لها شابوه ياسمين عز بس للاسف انا واحد من الناس بقول لك انت اكتر واحده هتكون الناس مستنيه تشوف حياتها بعد الجواز واكثر واحده متاكد ان انت عمرك ما هتكوني قد مسؤوليه من اللي انت بتتكلمي عليها بس انت حابه تكوني ترند عشان اللايكات والمتابعات وشويه الهاجص اللي انت بتعمليهم.
\
