كتب - محرر الاقباط متحدون
علقت الكاتبة ماجدة سيدهم، على حكم محكمة جنح السلام ، بتغريم الدكتور مبروك عطية مبلغ 1000 جنيه والمصاريف وإحالة الدعوى المدنية للمحكمة المختصة، بتهمة ازدراء الدين الإسلامي والمسيحي، وكان سخر الشيخ الازهري مبروك عطية من السيد المسيح،خلال بث مباشر قائلا :" بلا السيد المسيح بلا السيد المريخ.
وكتبت سيدهم عبر حسابها على فيسبوك :"لم يزعجني الحكم على الشيخ مبروك ..عادي جدا .. ولا ازعجني اللي قاله لأن برضه دا العادي دلوقت .. و ياما طلع شيوخ وعلماء قبله قالوا ولسه بيقولوا الالعن وبيفتوا بالشر والكراهية ..عادي جدا.
مضيفة :" لو الشيخ مبروك عبر رأيه كفرد من باب حرية الرأي ..على عيني وراسي ..باعتبار أننا دولة بتدعم الحريات ..لكن للاسف الراجل عبر عن راي العقل الجمعي اللي بيترجم كل الأفكار المشوهة دي لأعمال عنف وتخريب وقلة ضمير وعداوة لله ف لله.
لافتة :" ودا اللي يزعل بجد إن دا بقا حال الأدمغة في المحروسة وعلى أعلى المستويات ..النفوس بقت وحشة وقاسية اوي ...عادي جدا، لا مش عادي أبدا .. دي كارثة اخلاقية مردوم عليها بالتجاهل والاستخفاف.
