كتب - محرر الاقباط متحدون
تداول رواد مواقع التواصل الاجتماعي ، مقطع فيديو يتضمن تصريحات المهندس إبراهيم جودة، صاحب أكبر مصنع لإنتاج الإطارات في الشرق الأوسط،خلال لقائه مع الإعلامي أحمد موسى.
وقال موسى موجها حديثه له :" حضرتك بتقولي انه كاوتش الملاكي او النقل ممكن نصنعه في مصر ، ايه اللي معطلك ؟ .
ورد ابراهيم :" اطارات السيارات من السلع الاستراتيجية، وهي ثاني سلعة في العالم بعد البترول.
وتابع :" كل الدول بتدور على الشركات اللي بتصنع اطارات وتقولها ايه التسهيلات اللي ممكن نقدمها عشان تعملي المشروع ده ، لان مشروع اطارات قوي في دولة يصب في صالح الاقتصاد .
لافتا :" انا بالمشروع ده هوفرلك ٦ مليار سنويا انت بتستورد بيهم اطارات ومطاط، السؤال "ايه الحافز اللي هتقدمهولي ؟، الاجابة : للاسف صفر .
موضحا :" رد "الاستثمار" عليا بحضور مجلس الوزراء بيقول كدة، لانهم قالولي : احمد ربنا انك بتبيع ل ١٠٠ مليون.
لافتا :" قولتلهم عاوز ادخل المكن، قالولي :" انت اشتغلت ؟
قلت نعم
وجاء الرد :" يبقى مالكش حافز خاص بالاستثمار، وهتدفع رسوم كانك مستورد ودفعوني رسوم على المكن ودفعت الرسوم كاملة والضرائب.
وعلق حساب :" فضيحة والله ده صاحب مصنع بيراميدز للاطارات، الباشا وزير المالية عايش في زمن الجباية، ولا يهمه استثمار ولا يحزنون يهمه فقط جمع الجباية من الناس علشان يقول للي فوقه انا لميت وقللت عجز الموازنة وإياكش تخرب ما تعمر، وده السبب الرئيسي للجوء مصر لصندوق النقد، الناس دي الموظفين الروتينيين اللي خربوا البلد وقضوا على أي شئ مفيد وهما فعلا أعداء التقدم والنجاح والاستقرار.
وفيما يلي ابرز التعليقات الغاضبة :
هل دي طريقه تساعد علي الاستثمار والصناعه والانتاج لبلد ؟.
ودة مستثمر مصرى علشان كدة استحمل الغباء الادارى اللى عندنا لو اجنبى كان قال بناقص يا ريت الريس يسمع كلام الراجل دة ويتخذ اجراءات سريعة لمنع عرقلة الاستثمار فى مصر علشان كدة كتيير والله.
حكومه ضعيفة وبتقف عقبة امام الأستثمار وضد الشعب.
حزين على بلدى وعدم فكر المسؤولين.
محاربة الصناعة المحلية.
يا حبيبى ابرز الكل يخدم عليك حكومة فاشلة وهى المسؤلة عن هروب الاستثمارويقلك الزيادة السكانية بل الغباء الادارى.
حقيقي في ناس مسئولين شغلهم الوحيد جمع الفلوس وبس من غير اي دراسه للاسف الناس دي بتضيع مجهود الريس الرئيس بيكون موجود في الشارع من الفجر والوزراء والمحافظين لسه نايمين في العسل حفظ الله مصر ورئيسنا وكل المخلصين لهذه البلد الحبيبه مصر العظماء.
للاسف مسئولين غير مسئولين لازم كل حاجة تيجي بالأمر من الريس لحل المشاكل ..عايزين ناس فاهمه حريصه على البلد الريس مش حيشتغل لوحده في كل كبيرة وصغيرة.
الله يكون في عون السيد الرئيس،، ، الراجل في وادي والحكومة البطروقراطية في وادي اخر لاتركز الا على الجباية لكي تتحدث بلغة أرقام عقيمة ليس لها أي معنى على أرض الواقع.
العالم بيزللوا مصاعب رجال الاعمال المخلصين والي بيصنعوا صناعات مهمة.
يارب سيادة الريس يكون وصلوا هذا الكلام، ربنا يعينه على تقدم البلد للاحسن.
احمد ياموسي لزم رئيس الوزراء يتغير عوزين راجل اقتصاد هي واقفه على مدبولي ولا وزير الماليه مافيش عنده رؤيا ولا أي حلول غير يلم فلوس كرهتو الناس في البلد غير الروتين إلا بيعقد الناس كده وقف حال لأي حد عاوز يستثمر للأسف، السيسي راجل شريف وبيحب البلد ونفسه مصر تبقى أكبر دوله في الشرق الأوسط بس في ناس مافيش خبره يااما لهم مصلحه يوقعوا البلد فين مشروع العربيات إلا جايا من الخارج المغترب يجيب عربية وقصادها وديعه دولاريه لمده 5 سنوات والله ممكن يدخل مبالغ لا تقل عن عشرين مليار دولار المشروع انطرح وبعدين اتعطل حرام إلا بيحصل ده ياريت الوزارة التعبانه دي تتغير البلد فيها شباب شاطره حسبنا الله ونعم الوكيل في كل متأمر على بلدنا.
هذا يهدد مستقبل مصر ويعيق فكر رئيس الدولة.
حسبي الله في كل من يكون عقبة في ركب التنمية والتصنيع في مصر .فما هذا إلا جهل وقصر نظر وفراغ عقل .
معوقات يتم وضعها أمام رجال الصناعه راجل مستورد ماكن للصناعة في مصر يتم دفع جمرك استيراد للتصدير ! .
