قالت الفنانة شهيرة إن الفن ليس مهنة للتسلية والترفيه، مشيرًة إلى أن الفنانين لديهم احتياجات ويشعرون بالغلاء مثل أي فرد.
وقالت شهيرة في تصريح لـ القاهرة 24، إنها متعجبة من أحاديث البعض ووصفهم الفن بالتسلية، وأن الفنان لا يبذل أي جهد وتعب، موضحة: اللي يقول كده مش عارف حاجة.
وتابعت شهيرة: إحنا عندنا أقساط ومديونيات، وكل واحد عنده مشاكل مادية على قد احتياجاته، ويتقال الفنانين مش بيفرق معاهم الأسعار، لا طبعا بيفرق لأن أنا بكون متعودة طول عمرى اشتريها بـ عشر قروش لما اشتريها بـ 50 مثلًا ما ده ضعط وزيادة عليا، وعلى قد احتياجاتي أو احتياجات أي إنسان، فأنا مهما أكون معايا فلوس تعبانة، فالناس متفكرش إن الفنانين مش بيفرق معاهم.
وعن عدم بذل الفنان مجهود في عمله، ردت شهيرة: الي يقول كده يبقى عنده تخلف عقلي أو فني أو معندوش فكرة عن أي حاجة في الحياة، لأن أكثر ناس بتطفح الدم هم الفنانين.. مفيش رحمة دول بيشتغلوا بـ 20 ساعة مين يقول كده.
وأردفت شهيرة: على أيامي كنا بنشتغل بالـ 12 ساعة لكن طبعا في فرق كبير، عشان كده عمرو ابني دائما يقولي أنتي فاكرة الدلع بتاع زمان لسة موجود دلوقتي.. أقوله أنا أدلع في أي وقت.. بس قالي إني مش هقدر أتحمل عدد الساعات.
