كتب - محرر الاقباط متحدون
انهار الفنان عماد رشاد بالبكاء قبل ان يتحدث عن صديقه الفنان فاروق الفيشاوي الذي غيبه الموت متأثرا بمرض السرطان.
وقال رشاد خلال حلوله ضيفا على برنامج"واحد من الناس": مفيش شيء في حياتي فرق معايا اد رحيل فاروق الفيشاوي .
وتابع :" الصداقة بينا وصلت ان انا كان ليا هدوم في بيته وهو ليه هدوم في بيتي حتى يومنا هذا ، وهو ليه مكان في بيتي وانا ليا مكان في بيته.
وتابع :" لو الشهر 30 يوم على الأقل بنتقابل 25 يوم، لما كنا ندخل اي مكان، كان الاصدقاء يتركوا كرسين لينا جمب بعض عشان عارفين لازم نعد جنب بعض احنا الاتنين .
لافتا :" شاركنا بعض في الفرح، في الحزن، في الانتصارات، في الخسارة، في الاحزان في الحلوة والمرة.
موضحا :" صداقة امتدت اكنر من ٥٠ سنة يعني قوية ومتينة، قلت جملة "عندما تكون جميع ذكرياتك مرتبطة بصديق، ويموت هذا الصديق، وقتها تكون كالذي فقد الذاكرة.
وتابع :" انا حصلي ده، لما رحل مش لاقي ذكريات فقدت الذاكرة، كان الانيس والصديق والسند والرفيق ، في الازمات كان اول واحد الاقيه واقف جنبي.
لافتا :" الانسان ممكن يعمل في حياته صداقات كتير، لكن متساويش، فاروق الفيشاوي رمز للصديق الصح ، كنا شخص واحد بشكلين، مصلحتي تهمه زي مصلحته، والعكس .
كما لفت :" لدرجة المقربين قالوا مشفنوش ومش هنشوف قوة صداقة زي صداقتك انت وفاروق الفيشاوي.
وواصل في حزن وبكاء :"مش قادر انساه ، بيقولولي خلاص مرت سنين على وفاته، برد واقول لهم بالعكس في حاجات كنت عايز احكيهاله متحكتش دي محبوسة جوايا .
وتابع :" مش عارف اعيش من غيره، مش قادر اتخيل انه مش موجود، حياتي الاجتماعية ادمرت من بعده، مش عارف اندمج مع المجتمع تاني بعد وفاته.
لافتا :" بضحك على نفسي واقول انه موجود عشان اقدر اكمل.
مشيرا :" بدأت الصداقة مع فاروق في معهد الفنون المسرحية، وقتها قلت انه جدع كون عندي ملكة بتخليني اعرف مين هيكون صديقي .
موضحا :" كنا بنقدم واجب العزاء سوا، اول واخر عزاء اروحه لوحدي كان عزاءه هو .
وكان اعلن الفنان فاروق الفيشاوي، اصابته بمرض السرطان خلال كلمة في مهرجان الإسكندرية السينمائي، بعدما قد تسلم درع المهرجان.
وقال الفيشاوي : الدكتور المعالج من أخبرني بأنني مصاب بالسرطان ، وقد اندهش من عدم انزعاجي من الامر ، اخبرته انني سوف اواجه هذا المرض اللعين بكل اصرار وحزم، هو بالنسبة مثل الصداع .
ووعد الفيشاوي الحاضرين ، بانه سوف يهزم السرطان ، و يحضر الدورة القادمة للمهرجان ليقوم بتهنئة اصدقائه من الفنانين .
