كتب: محرر أقباط متحدون
هنأ المطرب علي الألفى الفنانة الكبيرة انغام بعيد ميلادها، وقال أنه عرف أن صوته جميل من خلال أغانى انغام .
وكتب" انا بدأت اعرف اني بغني و صوتي حلو سنة ١٩٨٩ لما شبطت في شريط اسمه لا لي لي لا لي بتاع انغام
و لما حبيت في المراهقة كنت بحب على صوت انغام و هي بتقول معنى حبي
و لما حبيت في الجامعة كنا بنبعت لبعض اغاني شريط سيدي وصالك
و لما بقى عندي ذوق و فكرة في المزيكا ذاكرت على البوم عمري معاك
و لما سبت بورسعيد و اول تجربة اعيش فيها لوحدي كان البوم كل ما نقرب و هي بتقول مفيش حياة من غير امل
حتى لما جربت الاغتراب على مدى اكبر في عمان نزل البوم حالة خاصة جدا
و حبيت و سبت و وجعت و اتوجعت و نجحت و خسرت
و صوت أنغام هو الموسيقى التصويرية ل حياتي
قابلتها مرات مش كتير على فكرة .. بس كان كل مرة فيها صورة مميزة ..
بحب انغام .. و بحترمها .. و كل سنة و هي طيبة و زي الفل.
