د.امير فهمي زخاري المنيا
- متحميش ابنك عمال علي بطال خلي الحموم عند اللزوم ... والحموم يكون بالليل وينام ميخرجش بعديها .
- شرب الميه قبل الخروج من البيت دا شئ اساسي الصبح او بالليل واهم شي السوايل الدافيه ثم السوايل الدافيه ثم السوايل الدافيه.
- الطفل وهو نايم بالليل يلبس لبس كامل وتقيل لانه مش بيتغطي ولو اتغطي بيكشف الغطي.
- تهويه المنزل يوميا في الوقت من ١٠ صباحا الي ١ ظهرا علشان نجدد هوا البيت ننقي الجو و ندخل هوا نضيف.
- لو في حد في البيت بيدخن ياريت يدخن بره البيت واول مايدخل يغير هدومه وياخد دش لان الدخان ليه اثر سلبي علي كل الاطفال .
- الموز والتفاح بيقوى المناعه اكثرو منهم للاطفال في الشتاء.
الحوافه والبرتقال واليوسفى كلهم فيتامين سي بيزودوا المناعه.
- معلقه عسل نحل علي معلقه زيت زيتون علي علبه زبادي يوميا تقوي المناعه وتفتح النفس علي الاكل.
- لو انتشرت عدوي في الجو قعدي ابنك من المدرسه مش تستني لما يتعدي ولو ابنك تعب قعديه من المدرسه علشان ميعديش حد.
- لو الجو برد شديد اوي وفيه مطره ابنك مش الثانويه يعني قعديه من المدرسه عادي خالص.
- ابنك عنده حساسيه او معندوش حساسيه بلاش يلبس صوف او يلعب بلعب الدباديب والحاجات اللي بتعبي تراب وبتكون مركز للجراثيم والفيروسات .
- الموضه اليومين دول كل واحد مربي قطه بفرو في البيت ونايمه معاهم واكله وشاربه معاهم دى مصدر كبير للفيروسات والفرو بيذود الحساسية..... انا بقول نربي عيالنا احسن .
- ابنك اللي اقل من ٤ سنين ميروحش الحضانه غير في الايام اللي الجو فيه كويس .
- اكل طازه كل يوم وبلاش كسل ( شوربه الخضار - شوربه العدس- شوربه فراخ و شوربه اللحمه ) مفيده جدا في البرد.
- لو بتلبسي ابنك قطعه وحده او بتلبسيه ١٠٠ قطعه زي مايقلع يلبس يعني زي قلع ٤ يلبس زيهم ٤مثلا يعني.
- لما تحبي ترضعي ابنك مش تاخديه في جو برد وترضعيه لازم ترضعيه في مكان دافي ليه ؟ (لان الطفل لو في مكان برد هيبقي زوره بارد واللبن بطبعه هينزل سخن يبقي سخن علي بارد نشاط للبكتريا والفيروسات).
- طبعا نظافه صدرك وبالذات الحلمه قبل كل رضعه علشان الميكروبات والفطريات .
-《فيتامين ج و فيتامين ا 》جامدين في الشتاء وبيزودو المناعه جدا وبالدراسه وبالخبره وكمان فيتامين دال مهم ومفيد جدا وبيقلل الادوار جدا.
- معظم التهابات الشتاء فيروسيه مش بكتريا بلاش تجري وتدي مضاد حيوي عمال علي بطال.
- رشح وعطس مضاد للحساسيه وسوايل دافيه زي زيرتك وفنستيل وتلفاست وكلارتين واخواتهم.
- حساسيه انف بخاخه نازونكس او فلكسينوز ومضاد للحساسيه.
- التهاب رئوي لنتحجز في مستشفي يأما نجيب جهاز الجلسات في البيت متستخسرش في طفلك تحليل او اشعه تثبت بيها هو عنده ايه دا الصح.
-من اسواء الامراض في الشتاء.. النزله المعويه لانها بتكون فيروسيه ..جفاف مباشرة متكسليش تكشفي بسرعه علي النزله المعويه.
خلوا بالكم من سلامه أطفالكم... تحياتى...
د.امير فهمي زخاري المنيا
