كتب - محرر الاقباط متحدون
وجه الكاتب والمفكر والطبيب خالد منتصر، رسالة عبر صفحته الرسمية على فيسبوك، حملت عنوان "#ميراث_البنت_الطفلة" وجاء بنصها :
اللي خلف بنات بس بيتلطموا ويتبهدلوا بعد موته في الحصول على الميراث ،بيشاركهم في الميراث أقارب منهم اللي عمرهم ماشافوهم الا بعد موت الأب عشان ياخدوا نصيبهم وبعدين يختفوا .
الأكثر مأساوية الأب اللي ساب بنات أطفال ،الأرملة ماتقدرش تتصرف في مليم لأن المجلس الحسبي بيبقى حاطط ايده على ثروة الأب، العجيب والغريب ان الورثة التانيين بياخدوا فلوسهم خالصة مخلصة ،وتفضل الزوجة والبنت ياخدوا الفلوس بالقطارة من المجلس الحسبي ، لغاية سن كام بقى ؟؟؟ لغاية سن ٢١ سنة !!! .
يعني ممكن الطفلة دي تطلع بطاقة ١٦ سنة والقانون يسمح لها بالزواج وتحمل مسؤولية أسرة ١٨ سنة، لكن في الميراث لازم تستنى لغاية ٢١ سنة !!! ليه اشمعنى ما اعرفش.
أعرف أرملة بناتها في مدرسة انترناشونال وبتاخد من المجلس الحسبي تلات الاف جنيه ف الشهر للمدرسة والدروس والعلاج والمواصلات …الخ .
نظرة للأرامل اللي عندهم أطفال بنات والمقرر لهم من المجلس الحسبي وتعاملات البنوك معاهم .
