كتب - محرر الاقباط متحدون
وجه الاعلامي أحمد سالم، رسالة للشعب المصري، عبر حسابه الخاص على فيسبوك، من اجل التعامل مع الآخرين برحمة، وجاء بنصها :
لما تقابل واحدة في سن الجواز بلاش تقول لها هنفرح بك امتي عشان ما تحرجهاش،و لما تقابل اتنين لسة متجوزين بلاش تسألهم عن الأطفال '> انجاب الأطفال عشان يمكن عندهم مشاكل صحية و مش ناقصين توتر .
لما تقابل فنان بلاش تقول له مختفي ليه و ياتري هنشوفك في رمضان ولا لأ عشان ما تجرحهوش لانه يمكن مش بيجيله شغل اصلا.
لما تقابل واحد مريض بلاش تقول له انت خسيت اوي كدة ليه او وزنك زاد ليه كدة عشان يمكن ده من تأثير العلاج و هو مش ناقص إحباط.
لما تشوف حد في مناسبة معينة بلبس مش لايق بلاش تقول له ليه لابس كدة عشان يمكن معندهوش امكانيات يشتري اللبس المناسب .
لما تقابل صاحبك اللي ساب شغله مش لازم كل مرة تقول له ...معقول لسة ما اشتغلتش عشان هو مش ناقصك، الراحمون يرحمهم الله.
