كتب: محرر الاقباط متحدون
طالب الاعلامى متابعيه بأن لايحرجو واحد باسئلة غير مبررة مثل هتجوزى امتى أو تخنتى أولية مااشتغلتش ليه، لأن مفيش حد يعرف ظروف التانى ايه.
وقال سالم" لما تقابل واحدة في سن الجواز بلاش تقول لها هنفرح بك امتي عشان ما تحرجهاش،
لما تقابل فنان بلاش تقول له مختفي ليه و ياتري هنشوفك في رمضان ولا لأ عشان ما تجرحهوش لانه يمكن مش بيجيله شغل اصلا
لما تقابل واحد مريض بلاش تقول له انت خسيت اوي كدة ليه او وزنك زاد ليه كدة عشان يمكن ده من تأثير العلاج و هو مش ناقص إحباط
لما تشوف حد في مناسبة معينة بلبس مش لايق بلاش تقول له ليه لابس كدة عشان يمكن معندهوش امكانيات يشتري اللبس المناسب
لما تقابل صاحبك اللي ساب شغله مش لازم كل مرة تقول له ...معقول لسة ما اشتغلتش عشان هو مش ناقصك
الراحمون يرحمهم الله.
