د. أمير فهمى زخارى المنيا
تعبير شعبي عن الشخص الكشر النكدي !!
بوز الاخص ده اسم طائر يعيش في جنوب الهند شكله "نحس" بسبب ملامحه الجاده، والتى تبدو وكأنه حزين، أطلق الناس عليه لقب "طائر النكد" أو "بوز الإخص"، وراح العديد من الأشخاص يصمم له العديد من الصور، التى انتشرت بشكل كبير حتى بات الكثير يعتقد بإن هناك طائر على وجه الأرض، يسمى بـ"طائر النكد"، ويعيش بسريلانكا، ولكن الحقيقة عكس ذلك.
والحقيقة، إن طائر النكد ليس هذا الاسم الحقيقى للطائر ، وإنما اسمه الحقيقى، "فم الضفدع"، ويعيش في منطقة غاتس الغربية بجنوب غرب الهند وسريلانكا، ويعتبر موطنه الأصلى هى الغابات الاستوائية الكثيفة...
المثل العبقري ده موجود فعلا .. فيه ناس ليها هذا "البوز" !! نكدية الشكل والمنظر والجوهر .. منين ما تروح وشها مقلوب ، شكاية ، بكاية، في الحزن رغاية !!
ناس تصعب عليك من كتر اللي هي عاملاه في نفسها و في غيرها، الضحك عندها محرم و الابتسامة ممنوعة .. تركيبة وشها زي توليفة قلبها : مر وحنضل ..
اللي لازم تعرفه أن وشك مش ملكك، ده ملك الناس اللي ليها عليك حق تشوفك فرحان و بتفرحها.
و يارب يجعلنا "وش (بوز ) السعد" مش بوز الإخص لكل اللي يشوفنا !!وبلاش تقلب أنت بوذك...
د. أمير فهمى زخارى المنيا
