كتب - محرر الاقباط متحدون
أشاد المفكر والطبيب خالد منتصر، بتصريحات الفنانة شيرين رضا، والتي ابدت خلالها رفضها اقامة حفل زفاف لابنتها، وقالت رضا :" أنا بنتي مخطوبة ولكن مش هنعمل فرح لأننا لا نؤمن بهذه الأشياء، ومتربيناش عليها والفرح فلوسه كتير اوي، ما ممكن ياخدوا الفلوس دي يستمتعوا بيها، انما ليه نجيب ناس ينتقدونا .
وكتب منتصر عبر صفحته الرسمية على فيسبوك :"
شيرين رضا بتتكلم صح فعلاً ،نحن مجتمع الڤاترينات !!المهم الڤاترينه لكن البضاعة اللي خلفها مايهمش،تبقى منتهية الصلاحية ماشي، تعفنت أو تمزقت مايضرش ،لاتصلح للاستخدام الآدمي خير وبركه!!! .
بعد المهر المرعب والشبكه الفخمه نبدأ في ترتيب تفاصيل الفرح الرهيب بكل تفاصيله المستنزفة للميزانية ، ويعدي اليوم مع همهمات عواجيز الفرح وتريقات أهل العريس على أهل العروسة والعكس ،والأوبن بوفيه بكل معارك الزومبي حول اقتناص الحادق والحلو والبروتين ،ووبعدها نص الأكل يلقى في سلة القمامة ..الخ .
العريس يسافر بالفلوس دي مع عروسته ويتبسطوا وخلاص وألف طظ في نميمة الجيران والأصدقاء والمعازيم .
ماتمشيش حياتك على كلام الناس وتعمل حسابهم يخططوا لك حياتك ستفشل بامتياز لو العريس والعروسة معاهم فائض ميزانية جامد قوي هما أحرار ..خلاص يعملوا ألف فرح بس ياريت يبقى هما اللي معاهم الفلوس مش يطلبوها من أبوهم وأمهم ويخليهم يستدينوا وياخدوا قروض عشان عطيات جارتهم نفسها تسمع حكيم وهو بيغني في الفرح ،وفتكات بنت خال جوز أم العروسة نفسها هافاها على صدر الديك الرومي في بوفيه الفورسيزون!!!.
