كتب - محرر الاقباط متحدون
تداول رواد موقع التواصل الاجتماعي (فيسبوك) ، خبر وتقرير مصور لفضائية العربية عبر صفحتها الرسمية على الموقع المذكور ، يتضمن خطوبة أصغر عروسين بالشرقية حيث العروس في الصف الرابع الابتدائي والعريس في الصف السادس، وجاء بنص الخبر :
شهدت إحدى القرى التابعة لمركز أولاد صقر بمحافظة الشرقية، الثلاثاء الماضي، حفل خطوبة أصغر عروسين من عائلة واحدة العروس في الصف الرابع الابتدائي والعريس في الصف السادس الابتدائي يبلغ من العمر 12 عامًا، والعروسة 10 سنوات
والدة العريس الطفل زياد والتي أكدت، أن حفل الخطوبة جاء بناءً على رغبة جدهم من ناحية الأم، وذلك لترابط العائلة وتقريبهم من بعضهم البعض، على حد وصفها، قبل أن تشير إلى أن ذلك يحدث في العائلة منذ زمن يتم خطبة الأطفال لبعضهم البعض منذ الصغر على أن يحدث ارتباط رسمي بعد إتمامهم السنة القانونية المناسبة للزواج.
وأضافت والدة العريس، أن العائلة كانت تحتفل أمس بعرس أحد أبنائهم وعند عودتنا من القاعة قمنا بشراء دبل وعمل حفل خطوبة عائلية للطفلين بمنزل الأسرة، على أن يتم إتمام الزواج الرسمي بعد بلوغهما السن القانونية المناسبة.
وابدى الالاف من رواد التواصل غضبهم الشديد من ظاهرة خطوبة الاطفال في مصر وهي ظاهرة ليست وليدة اليوم ، حيث الزواج المبكر من ضمن اسباب الزيادة السكانية التي تعيق التنمية المستدامة.
وفيما يلي ابرز التعليقات الغاضبة والساخرة :
ورغم عزوف الشباب عن الزواج و بعد ارتفاع تكاليفه؛عبثية المجتمعات المصرية؛ تتجلى في سلوك عائلة من عوائل الفلاحين .
وعلق احدهم ساخرا :" والفرح في اجازه نص السنه.
بالذمة ده كلام حد يخطب بنته في رابعه ابتدائي ده حتي المنهج بتاعهم تقيل.
قلة أدب.. والمفروض أولياء الأمور اللي بيسمحوا بالمهازل دي يتحاكموا.
ما شاء الله الله اكبر ولا حول ولا قوه الا بالله العلي العظيم ايه الجمال والحلاوه دي ربنا يكملكو بعقلكم ويحفظ ابائكم بثلاجات الموتي .. استغفرك ربي واتوب اليك.
دي قلت ادب وعدم ربايه وعدم فهم وعدم وعي دي جهل وبتفتحو عين الاطفال الي بعدهم يعملو كده حسبي الله ونعم الوكيل.
يشربوا اللبن ويناموا بقي عندهم مدرسة الصبح ولا في امتحان شهر.
والفرح في اجازه اخر السنه .
طب لو هم مقررين انهم يتجوزو لما يبلغو ليه يعملو خطوبة دلوقتي ؟ و كمان هم ضمنو المستقبل ؟ مش يمكن البنت تحب واحد تاني أو الولد يحب بنت تانية دي أحداث ممكن تحصل.
طب يعملو الخطوبة دلوقتي ليه ؟ و كمان الأطفال دول هيتعاملو ازاي مع بعض ؟.
إحنا طالعين بكرة الساعه سته ونص صباحا مع مجموعة كبيرة من الشباب عشان نساعد يأجوج ومأجوج فى الحفر عشان يطلعوا فى أسرع وقت ممكن لأن الوضع أصبح كارثي.
لا وابوه واقف منشكح اوى قال يعنى الواد دخل حربيه عروسه ٤ ابتدائى و عريس ٦ ابتدائى، ايه ده يا مصر ؟! .
وطبعاً في الأعياد والمواسم هيجبلها شيبسي ومصاصة ارحمنا برحمتك يارب.
تخلف وجهل بعيد عنك وبعدين يقولو مش لاقيين شغل ومش عارفين نعيش.
ده في حد ذاته جريمة في حق الإنسانية والمجتمع يحاسب عليها القانون.
ازاي يعني منهج رابعة مع سادسة مش هيتفقوا مع بعض .
لا حول ولا قوة الا بالله العلي العظيم اصحاب العقول في راحة .
كارثة بكل المقاييس .
والله العظيم حرام عليكم دول أطفال حسبنا الله ونعم الوكيل في كل ظالم.
اصبروا شوية لم نخلص من بتاع الكشرى ربنا يصبرنا .
احنا يعني بنربي ولادنا على ان الكلام لسه بدري ندرس ونبقى ذوقيمه في الحياه وبعدين الأفكار الثانيه دي بعدين انتوا بقه بتهببوا ايه في ولادكم بجد قمه الجهل.
خطوبة اصغر عريسين بالجاهلية .
والله عيب اوي الناس تشوف خيبة زي دي ودي مش اخبار تفرح بالعكس دي توضح كمية الجهل وخسارة تضيع الوقت .
طيب الله يستركم شيلو البوست بسرعه الواد احمد ابني بيقلب كتير ف الفيس ليشوف الخبر ويقولي تعالي اخطبلي.
ألف مبروك يا حبايبي يلا كل واحد على اوضتة عشان عندكو مدارس أصبح.
والله حرام بكرا يكبرو وتبقي خيبه لو كل واحد فيهم مش عاوز التاني وتتفسخ الخطوبة .
المفروض محاكمة للاهل .
