محرر الأقباط متحدون
تحدث الإعلامي محمود سعد، عن الراحل مفيد فوزي وعلاقته به، والذي ودع عالمنا صباح اليوم عن عمر ناهز 89 عامًا بعد صراع مع المرض.
وقال محمود سعد في مقطع فيديو عبر حسابه الرسمي علي موقع التواصل الاجتماعي فيس بوك: "أبونا كان بيقول كلمات جميلة في الكنيسة أنه انتقل لمكان أفضل ومن الاتساع بعد ضيق الجسد للدنيا الواسعة أوي وللحياة الأبدية، كلام أبونا في الصلاة عجبني قال إن الحياة شقى وتعب وتطلع منها بتعب ومرض وبعدين تبدأ الحياة اللي بجد الناس واللي كل الكتب السماوية أجمعت على أن الحياة التانية هي الحياة بعد الموت، وده مذكور في القرآن فليه الناس بتتصارع مع بعض أو تأذي بعضها من أجل إيه؟.
واستكمل: طيب ليه بنقاطع بعض وليه عندنا القدرة طول الوقت إننا نأذي بعض أوي.. أنت بتتحط في تربة وحيد مفيش حاجة تستدعي كل الصراع ده.
وأردف محمود سعد: وفي النهاية أحب أقول لكم إزاي نتعلم نطبطب على بعض وإحنا أحياء ونراعي بعض مش لما الإنسان يموت.
