د.أمير فهمى زخاري المنيا
النهاردة هنتكلم عن ظواهر بتحصل لنا كتير و بنقلق منها بس هي متقلقش ومتخوفش 🏃♂️
١- بحس ساعات إن الموقف ده أو الحوار ده حصل قبل كدة ..بس مش قادر أفتكر امتي او فين .. = دي ظاهرة عادية اسمها
Deja vu phenomenon
مفيش منها مشكله
( و لو انها ساعات بتحصل في حالات إضطراب كهربية المخ ).
وهم سبق الرؤية أو ديجا فو (بالفرنسية: Déjà-vu) أو ديجاڤو كلمة فرنسية تعني «شوهد من قبل»، في إشارة إلى ظاهرة أُطلق عليها هذا الاسم من قبل العالم إميل بويرك في كتابه مستقبل علم النفس. ويقسمها بعض علماء النفس إلى ثلاثة أنواع: déjà vécu «تم رؤيته سابقاً», وdéjà senti «تم الشعور به سابقاً» وdéjà visité «تم زيارته سابقاً». وديجا فو هي الشعور الذي يشعر به الفرد بأنه رأى أو عاش الموقف الحاضر من قبل.
- لما بأشيل حاجة تقيلة فترة طويلة ايدي بتترعش شويه و تروح ..
= دي رعشة عاديه .. متقلقش و بلاش ناخدلها فيتامين ب أرجوكم
- ممكن يغمي عليا لو سمعت خبر وحش أوي أو خبر سعيد أوي أو شفت حاجة تخوف زي منظر دم مثلا ..
= ده عادي ..دي حاجة اسمها
Vasovagal attacks
️- لما اسلم على حد بتكهرب 🔌او لما أفتح باب تلاجه او أمسك مفتاح..
= متقلقش دي حاجه عاديه نتيجه شحنات كهربيه سطحية وأنصح بإرتداء ملابس قطنية أفضل من الألياف الصناعية و الصوف
Static electricity
- لما اتعصب او اتوتر جسمي كله يترعش...
= متقلقش دي رعشة عادية
Physiological tremors
- لما اسند علي مسند او شباك العربيه ايدي و دراعي ينملوا لحد الكوع..
= متقلقش ده نتيجه الضغط علي عصب ماشي تحت الجلد علي طول ورا الكوع وهتفك علي طول
Ulnar nerve
- لما بنام في اول النوم بحس بنفضة كأني هأقع من علي السرير...
= متقلقش دي حاجه عاديه اسمها
Hypnic jerks
Sleep starts
- بنسي كتير أوي وبتلخبط في أسامي الناس وانسي حطيت الحاجات فين انا كده عندي زهايمر؟...
= متقلقش الاعراض دي في سن صغير بتحصل نتيجه التوتر والضغمط العصبي لكن في السن الكبير يجب الاهتمام.
️- انا لما بصدَّع نص وشي وجسمي بينملوا هل دي بوادر جلطة...
= متقلقش دي عرض من اعراض الصداع النصفي وليست بوادر جلطة
Sensory aura
- بحس برفَّـة في الجفون و ساعات الوجه وأجزاء متفرقة من الجسم ..
= متقلقش دي رفّـة عادية غالباً نتيجة الإرهاق والتعب وساعات بسبب الكافيين الكتير اسمها
Physiological fasiculations
طبعا كده بقيت دكتور أعصاب 👨 فى البيت 🏡..
تحياتى للجميع.
د.أمير فهمى زخاري المنيا
