كتب - محرر الاقباط متحدون
اثار قيام مطعم كشري التحرير بطرد عامل نظافة من المطعم بسبب ملابسه، غضب الملايين في مصر ، حيث تم النظر له بدونية وعنصرية، رغم ان الشاب يمارس مهنة شريفة، ودفع ثمن الوجبة من حر ماله.
وثق الواقعة مواطن، وبعدها تم تداول الفيديو على نطاق واسع، وقال عامل النظافة في حزن وغضب شديدان :" احنا عشان غلابة قالي اطلع برة واحنا نجيب لك العلبة .
وتابع :" زي عامل النظافة شرف لاي حد ، انا واخد الاكل بفلوس مش ببلاش، احنا عمال النظافة بنشيل الزبالة بتاعتهم.
ووصف المواطن طرد عامل النظافة من المطعم بالتصرف السيء ، وتابع مختص العامل :" حقك علينا انت بتعمل عمل محترم جدا ومهنة عامل النظافة شريفة زي اي مهنة في البلد.
وواصل :" وكان واجب محدش يسخر منها، اوعى تزعل انت مصري شريف لانك بتعمل بعرق جبينك، وعاوز اشوف ضحكتك الجميلة .
رد عليه عامل النظافة والحزن في عيناه :" مش زعلان ، بس احنا كلنا بني ادمين وبشر.
استنكر حساب باسم بيشوي تصرف المطعم، وكتب :" الراجل ده تاج.! ع روؤسنا. جميعاً .. الراجل دة انظف من ناس كتير في البلد دي وبدلتة شرف لاي. حد يلبسها، دخل يجيب كشري من كشري التحرير الي في وسط البلد راح عامل في المحل قالوا أخرج برة علشان ملابسه ____!!ياريت لو احنا عندنا دم أقل واجب محدش يشتري منهم علشان يعرفوا أنهم عدمات الزوق وان الراجل دة وغيرهم هما اسباب رزقهم بعد ربنا.
كما علق حساب باسم احمد :" - كل الدعم :كل الحب والدعم للمواطن المصري الجميل وعامل النظافة اللي في الصورة ده. صاحب المهنة العظيمة اللي في اليابان معمول ليهم تماثيل في شوارع كثير تعبيراً عن احترام الناس لخدمتهم العظيمة للمجتمع.
الراجل ده كان داخل فرع من فروع كشري التحرير "فرع الدقي". دفع الفلوس ومستني الطلب بتاعه في أمان الله في المحل "مدير الفرع هو واللي شغالين طلبوا من العامل قدام الناس كلها انه يستنى برا لمجرد انه شغال عامل نظافة".
في واقعة عنصرية متطلعش غير من كائنات عديمة الرحمة والإنسانية ودي مش الواقعة الأولى. لأن نفس الواقعة دي اتكررت في رمضان مع سيدة مسيحية هي وجوزها مع بنتهم ورفض الفرع ينزل ليهم اكل.
حقك علينا يا راجل يا طيب وحقك كل على مصري نضيف وحُر ومهنتك مهنة عظيمة. وأنت على دماغ كل شخص مننا.
كما استنكر طرد العامل حساب باسم الباشمهندس عادل وكتب :" هم بتوع كشرى التحربر مش عارف ليه محسسين الواحد انهم شغالين فى وكالة ناسا مش مطعم شعبى .
وتابع :" بعد واقعة رفض أطفال أقباط فى رمضان الماضى "كشري التحرير" يطرد عامل نظافة بطريقة مهينه لا إنسانية.
وكتبت يارا احمد :" عامل نضافة دخل بهدوم الشغل بتاعته مطعم " كشري التحرير " ، فالعمال وعلى رأسهم مدير الفرع من تربيتهم وأخلاقهم أحرجوا الراجل البسيط اللي بيشقي قصاد كل الناس وقالوله إطلع برة على ما الطلب بتاعك يجهز!!!!.
كما علق حساب باسم اسلام عزاز :" من مفارقات ماوصلنا إليه أن مطعم كشري التحرير العنصري يطرد مواطن يعمل عامل نظافه بحجه أن ملابسه رثه مع العلم أنه دخل ليأكل بماله وليس تسول ! !.
وكتب محمد حسين :" مدير مطعم كشري التحرير يطرد عامل نظافة بسبب لبسه) ، منتهي قلة الذوق والاذى النفسي اللى ممكن يتسبب في وفاة انسان كل ذنبه انه بيؤدي عمل عظيم وينظف البيئة من زبالة المواطنين، شكرا لموقع #القاهرة24 على تقديم الدعم النفسى.
وكانت اتهمت سيدة تدعى سيلفيا بطرس، رمضان الماضي مطعم كشري التحرير بمنعها من تناول الكشري داخله قبل الاذان.
