محرر الأقباط متحدون
كشف والد مها المعروفة إعلاميا بـ "عروس الإسماعيلية"، كواليس خلاف ابنته مع زوجها.
وقال والد "عروس الإسماعيلية": “اتكلمت كتير مع جوز بنتي وكنت بحاول أصالح ولكن كان بيحاول يبتزني واتفقت انى اخد حاجتى وامشي ولكنه رفض وانا اضطريت أنه لازم بنتى تتطلق من جوزها لان بنتى قاعدة مع جبابرة”.
وكشف: زوج بنتي سحلها في الشارع وحبسها في شقة مش شقتها شقة اخوه وهو عازب عشان خايف انها تمشي"، مضيفا: "لما قولت اخد قائمة البنت عمل فيا محضر بسرقة الذهب وعمل محضر لجوز بنتي التانية”.
وتابع: "بنتى اتحبست 15 يوما في شقة مش بتاعتها و مصعبتش عليه ولا حد من اللى موجودين، والليلة اللى بنتى مشيت فيها كان جوزها ضاربها ووشها كان كله دم من آثار الضرب ولما لقت باب البيت مفتوح خرجت واستغاثت، ولكن تعدوا عليها في الشارع وضربوها بالعكاز".
