كتب - محرر الاقباط متحدون
زار عدد كبير من السائحين المناطق الاثرية في الاقصر، الا ان ذلك اغضب متابع وعلق على الخبر في اعتراض واضح على ملابس السائحات :" ياريت لما السياح يجوا يحترموا تقاليد البلد اللي جايين له .
وفي اطار ذلك كتب المفكر والطبيب خالد منتصر عبر صفحته الرسمية على فيسبوك :
طول ما أمثال الأخ اللي بيعلق ده موجودين ومسيطرين ، أبشر مافيش نهضة سياحية ،طول ما احنا عايشين وسواس الهداية المزمن ده وفاكرين ان السائح جاي يزور بلدنا عشان يهتدي ويعتنق الاسلام وينطق الشهادتين ، واننا لازم نفرض عليه كتالوجنا.
طول ما احنا كده ..مافيش سياحة وخدوا عزاها في عمر مكرم !!السياحة بشر قبل حجر السياحة قبول اختلاف ورغبة اندماج ، لازم الطفل عندنا يعرف ويتعلم ان الناس دي جايه تأكله وتأكل أبوه وأمه عيش ويدخلوا لبلده عملة صعبة.
كفاية كلام عبيط وساذج عن ان الناس دي جايه عشان تغزونا ثقافياً ويتآمروا علينا ..الخ الناس دي جاية تستمتع وتنفعك مادياً ، فياريت نبطل لزوجة نظرات وحشرية تصرفات ورداءة سلوكيات واقتحام للمساحات الخاصة للبشر عشان نبقى دولة سياحية بجد.
