كتب - محرر الاقباط متحدون
قالت السيدة امال ميخائيل، والدة الطفل شنودة بالتبني، والذي عثر عليه رضيعا داخل كنيسة، وهي تنهار في البكاء حيث انتزع من حضنها وتم ايداعه بدار للرعاية :"بطلب من ربنا يتحنن عليا وشنودة يرجع لحضني.
مضيفة خلال مقابلة مع جريدة المصري اليوم :"لا استطيع ان اراه او اسمع صوته، طالبنا اكثر من مرة ان نلتقي بالطفل ورفض المسؤولين بالملجأ وقالوا الطفل مسلم.
وناشدت ميخائيل الرئيس عبد الفتاح السيسي التدخل حتى يعود الطفل لها هي وزوجها .
مضيفة :" قالولي صعب تشوفيه دا مسلم، وارد اقول مسيحي ومسلم واحد، وبطلب من سيادة الرئيس يتحنن عليا ويرجعلي شنودة، اي مسؤول في الدولة يتدخل ويبص للطفل، اللي لما يتربى وسط اهله هيكون ليه مستقبل ويتعلم، افضل ما يطلع متشرد .
وعلق رواد التواصل على تصريحات والدته بالتبني في تعاطف واضح معها، وكتبت صابرين محمد :" ربنا ها يرضيكي ان شاء الله وربنا يرحمنا برحمته.
وعلق حساب باسم نادية عبدلله :" الرحمة اتنزعت من قلوب الناس.. ارحموها من فضلكوا واتقوا ربنا فيها.
كما علق حساب عزة شاهين :" ربنا معاكم يارب كن معهم وريح قلبهم ورجعلهم ابنهم.
كذلك كتب حساب باسم مورا :" ربنا يرجعه لاهله اللي ربوه احسن من تربية الملاجى والف رحمة على الإنسانية اللي ماتت في قلوب الناس.
ونستعرض فيما يلي ابرز التعليقات :
مادلين معوض :" هيرجع باذن الله انتم احن عليه من اللى رمته.
نسيم الامل حسن :" ربنا يرجعه لهم الدين لله واهم حاجه يطلع شخص صالح ينفع الوطن والمواطنين.
نادية:" ليه كده من اجل الطمع في الارث ضاع الطفل وضاعت الست د ليه بس لازم يوقف معها الشعب المصري لاسترجاع الطفل لازم انسانة طيبة.
يوسف الذهبي يوسف :" يكفوا الدمعة فى عنيا ربنا عالم بالوجع فى قلبها، فين ناس بتخلف وترميه فى الشوارع بس فى قلوب رحيما عليهآ ربنا يرحمنا برحمته الواسعه.
فاتن :" يرجع رحمة له ولهم بأوراق رسمية وإجراءات قانونية.
محمد :" المفروض دار الرعاية تسمح لهم بزيارة الطفل على الأقل مرتين في الاسبوع ده يعتبر بمثابة الأبوين وليس الوالدين.
همسة حنان :" طالما لقيوه ف الكنيسه يبقى مسيحي ليه مش بيدهلهم الولد بدال من بهذلته لاقي اسره تحافظ عليه وتهتم بيه. بدال من دار الرعايه.
سنو :" الناس دي مسيحية ومسلمة سبحان الله في، قلبهم رحمه اي انكان الديانة فارق معاهم طفل ربوه بعكس، الابهات الي بتعتدي علي فلذة اكبادها وبتقتلهم يارب المسؤلين يستخدمو معهم روح القانون واي انكان الديانه ايه يرجعولها ابنها وبيكون في متابعة من التضامن لمثل هذه الحالات وجزاهم الله خير ربنا ميحرم ام من ضناها ابدا.
ونصح انور عزام اسرته بالتبني :" لو خدو الواد منك اكتبي كل مراسك للغلابه ومتسبيش ولامايم لقريبك
احمد :" ظلم والله لازم يرجع في حضنهم، الست دي حنينه وزوجها طيب باين عليهم قوي ليه الألم ده والحزن لازم يرجع لحضنهم تاني.
مراد يوسف :" نتمنى من سيادة الرئيس السيسي يتدخل لحل المشكلة الطفل لو يتربى عندهم احسن بكتير من أن يتربى بملجأ دول احسن من اهلو الي رمو الام هي الي بتربي.
وشغلت قضية الطفل شنودة، الراي العام في مصر واغضبت الملايين، حيث تم ايداعه في ملجأ وابعاده عن الاسرة المسيحية التي ربته، وكان وجد الطفل رضيعا بحمام كنيسة منذ ٤ سنوات، ما عكس ان امه قد تكون هي من تركته وطالما اختارت الكنيسة لترعاه فذلك يعني انها مسيحية، واحتضنت الطفل اسرة مسيحية لا تنجب وربته منذ كان رضيعا، الا ان الشرطة اخذته وارسلته لدار ايتام وتم تغيير اسمه الى يوسف واعتباره مسلم بالفطرة.
